Bıryŋǧai jinaqtauşy zeinetaqy qory «Ūlttyq qor — balalarǧa» jobasy boiynşa bala şotyna tüsıp jatqan soma turaly tüsınık berdı, dep habarlaidy “Adyrna” ūlttyq portaly QazAqparatqa sılteme jasap.
«Ūlttyq qor — balalarǧa» baǧdarlamasy boiynşa alǧaşqy nysanaly talaptar men nysanaly jinaqtar tüstı.
«Ūlttyq qor — balalarǧa» baǧdarlamasy boiynşa BJZQ-ǧa alǧaşqy nysanaly talaptar (18 jasqa deiıngı balalarǧa) eseptelınıp, nysanaly jinaqtau şottaryna alǧaşqy nysanaly jinaqtar (2024 jyly 18 jasqa tolatyn balalarǧa) tüstı. 2024 jyldyŋ 1 qaŋtarynan bastap baǧdarlamaǧa 2023 jyldyŋ soŋyndaǧy jaǧdai boiynşa kämeletke tolmaǧan, Qazaqstan azamaty bolyp esepteletın barlyq balalar qatysuşy retınde tırkeldı», — dep jazylǧan qordyŋ resmi saitynda.
Resmi mälımet boiynşa, baǧdarlamaǧa qatysuşylardyŋ jalpy sany — 6 919 131 bala (qosa alǧanda, 01.01.2006 j. bastap 31.12.2023 j. deiın tuylǧan balalar). Onyŋ ışınde 304 815 qatysuşy 2024 jyly 18 jasqa tolady (qosa alǧanda, 01.01.2006 j. bastap 31.12.2006 j. deiın tuylǧan balalar).
«Olardyŋ barlyǧyna ötken jyl üşın Qazaqstannyŋ Ūlttyq qorynan 100 AQŞ dollary jäne 52 sentı mölşerınde bırdei soma esepteldı. Būl tek alǧaşqy esepteuler ekenın tüsınu maŋyzdy! Jyl saiyn būl soma Ūlttyq qor aktivterınıŋ ösuı jäne investisiialyq kırıs alu esebınen ūlǧaiyp otyrady. Būdan bölek, eseptelgen qarajat Ūlttyq qordyŋ valiutalyq aktivterınıŋ qūramynda investisiialanuyn jalǧastyrady jäne baǧdarlamaǧa qatysuşy balalarǧa olar 18 jasqa tolǧanǧa deiın qosymşa investisiialyq kırıs äkeledı», — delıngen BJZQ mälımetınde.
Sondai-aq, 18 jasqa 2024 jyly tolatyn balalarǧa atalǧan soma olardyŋ BJZQ-da avtomatty türde aşylǧan nysanaly jinaqtau şottaryna tüsuı kerek. Olar biyldan bastap jinaqtaryn tūrǧyn üige nemese bılım aluǧa kämeletke tolǧannan keiın bırden paidalanuǧa qūqyly.
Aita keteiık, nysanaly jinaqtardy kämeletke tolǧan azamat enpf.kz saityndaǧy özınıŋ jeke kabinetınde, BJZQ-nyŋ ūialy qosymşasynda nemese egov.kz portalynda öz betınşe teksere alady.Ūqsas jaŋalyqtar
