Jaqynda ǵana iske qosylǵan «Ulttyq qor — balalarǵa» jobasynan shý shyqty, dep habarlaıdy "Adyrna" tilshisi KTK telearnasyna siltep.
«Ulttyq qor — balalarǵa» baǵdarlamasynan shý shyqty.
15 qańtar kúni qordan aqsha alatyndardyń naqty tizimi jarııalanýy tıis. Degenmen ata-analar perzenti týraly málimetterdi e-Gov elektrondy úkimet portalynda tekserip, durys-burystyǵyna kóz jetkizýde. Sebebi keıbir turǵyn óz balasynyń ornyna ózgeniń aty-jóniniń tirkelgenin anyqtaǵan.
"Balalardyń bolashaǵyn!" dep byltyrdan beri súıinshiletken joba aǵymdaǵy jyldyń 1 qańtardan bastap iske qosylǵan. Al qańtardyń ortasynda joba qarajatyna dámeli 7 mıllıon balanyń naqty tizimi jarııalanýy tıis.
Tizim jarııalanǵannan soń aqpan aıynan bastap kámeletke tolmaǵan balalardyń shotyna qordyń ınvestıııa tabysynyń 50% túsip otyrady.
Al jaýaptylar 18-ge tolmaǵan balanyń derekterin eGov-taǵy bazaǵa engizip, tekserip qoıý týraly aıtty. Tekseristen keıin biraz qazaqstandyq óz balasynyń ornyna ózge bireýdiń tirkelgenin kórip tań qalýda. Ásirese azamattardyń jeke sáıkestendirý nómiri ońdy-soldy ınternetti kezip júrgeni taǵy bar.
«Túsetin aqsha báribir tússe, eGov-ty ańdyp nemiz bar» degen saýalǵa mamandar da jaýap berýde. Aıtýynsha, balanyń jeke sáıkestindirý nómirin «balany qosý» batyrmasyn basyp platformaǵa engizý arqyly shotqa túsken aqshany baqylaýǵa bolady eken.
Aldyn ala esepteýler boıynsha, 2024 jyly týǵan náresteniń shotyna 18 jylda 3 jarym myń AQSh dollary jınalady. Bala kámeletke tolǵannan keıin de shottaǵy qarajat 10 jyl boıy saqtalady. Eger birneshe jyl boıy azamat qarajatty paıdanalbasa kólemdi qarjy zeınetaqy shotyna aýdarylady. Balalar memleketten bólingen qarajatty bilim alýǵa, turǵyn úı jaǵdaıyn jaqsartýǵa paıdalana alady.
