Qaraǵandy oblysy Osakarov aýdany Molodejnyı aýylynan alys emes jerde Qanysh Sátbaev kanalynda Renault kóligi muzǵa qulap ketti, dep habarlaıdy “Adyrna” ulttyq portaly.
Kólikte úsh balyqshy bolǵan, ekeýi aman shyǵyp, al úshinshisin qutqarýshylar izdestirýde. Belgili bolǵandaı, úsh úsheýi kanalda balyq aýlap júrgen.
Túnde saǵat 02:16-da 112-ge Q.Sátbaev kanalynyń №10 sý elektr torabynda «Reno» jeńil kóliginiń muzǵa qulaǵany týraly habarlama túsken.
“Kólikte úsh adam bolǵan. Ekeýi óz betimen shyǵyp, medıınalyq kómekti qajet etpedi. Tótenshe jaǵdaılar qyzmeti 1985 jyly týǵan úshinshi azamatty izdestirýde”, - dep habarlady Qaraǵandy oblysy Tótenshe jaǵdaılar qyzmetiniń baspasóz qyzmeti.
Qutqarýshylar er adamdy aǵys alyp ketken dep boljaıdy. Ony izdeý jumystary jalǵasýda.
Aıta ketý kerek, Qanysh Sátbaev atyndaǵy kanal – jaı balyq sharýashylyǵy sý qoımasy emes, aýyz sýmen qamtamasyz etý kózi, arnaǵa sý mezgil-mezgil aıdalady, sonyń nátıjesinde sý muzdy shaıyp, muzdyń juqa bólikteri men jaryqtar paıda bolady.
“Adyrna” ulttyq portaly
