Saud Arabiiasynda ötken Düniejüzılık qorǧanys körmesınde FNSS şyǧarǧan besınşı buyndyq PARS ALPHA 8X8 türık bronetransporterı alǧaş ret tanystyryldy, dep habarlaidy "Adyrna portaly.
FNSS bas direktory Nail Kurt Anadolu agenttıgıne BTR-ge (bronetransporter) qatysty bırneşe saualǧa jauap berdı. Ol PARS ALPHA kompaniiasynyŋ injenerlerı tehnologiialyq jetıstıkterın, qanşa jylǧy täjıribelerın, tūtynuşylardyŋ pıkırlerı men äskeri sarapşylardyŋ baǧalaularyn esepke alu jäne brondy personaldy jobalau arqyly 35 jyldyq küş-jıgerdıŋ nätijesınde segız döŋgelektı tehnikanyŋ jasalǧanyn aitty.
Onyŋ aituynşa, PARS ALPHA 8X8 bäsekelesterı men basqa balamalarymen salystyrǧanda köptegen artyqşylyqtarǧa ie.
Nail Kurt döŋgelegı bar jäne şynjyr tabandy dästürlı brondalǧan jauyngerlık kölıkterde aldyŋǧy jaǧynda jürgızuşı otyratyn oryn jäne onyŋ janynda äskeri küş toby jäne artqy jaǧynda bölek bölım otyratyn oryn bar ekenın aitty.
BTR aldyŋǧy döŋgelek jüiesınde ballistikalyq qorǧanys pen minadan qorǧanysty küşeittı.
Sonymen qatar, atalmyş jaŋa tehnika ädette öte ülken jäne ūzyn bolatyn basqa bronetransporter ölşemderımen salystyrǧanda şamamen 60-70 santimetrge jıŋışkerdı, deidı Kurt.
Mūndai bronetransporterlerdıŋ quaty 700 at küşıne jetedı, al ışkı keŋıstıgı 2-2,5 tekşe metrge derlık keŋeidı, degen kompaniia basşysy PARS ALPHA 8X8 bıregei tehnikalyq sipattamalarynyŋ arqasynda ol aldaǧy 30-40 jylda maŋyzdy mındetterdı oryndau üşın tiımdı bolatynyn aitty.
«Būl jüie kölıktı köterıp, tüsıre alady. Mina qaupı joǧary aimaqtarda jürgende kölıktı şamamen 55-60 santimetr biıktıkke deiın köteruge bolady, būl funksiianyŋ minadan qorǧanu üşın maŋyzy zor», - dedı ol.
«Bız PARS ALPHA köp jaǧynan bäsekelesterınen erekşe dep esepteimız», - dep qosty kompaniia basşysy.
Ūqsas jaŋalyqtar
