7 aqpanda IIM men ŪQK qyzmetkerlerı Almaty qalasynda qūramynda belgılı «Aişuaq-Jantügel» ūiymdasqan qylmystyq tobynyŋ müşelerı bar topty qūryqtady, dep habarlaidy “Adyrna” ūlttyq portaly.
Polisia.kz mälımetınşe, jedel-tergeu ıs-şaralarynyŋ nätijesınde 14 adam ūstaldy. 7 atys jäne travmatikalyq qaru, 4 granata, 200-den astam oq-därı, esırtkı zaty, sondai-aq basqa da suyq qaru tärkılendı. Top müşelerı käsıpkerlerge özderınıŋ kriminaldyq «qamqorlyǧyn» körsete otyryp, olardy bopsalaumen ainalysqany anyqtaldy. Olar Almaty qalasynyŋ temır jol vokzaldary aumaǧynda, sondai-aq bazarlarynda öz yqpalyn jürgızgen.
«Ūstalǧan adamdarǧa qatysty Almaty qalasy PD tergeu basqarmasy bopsalau jäne bas bostandyǧynan zaŋsyz aiyru faktılerı boiynşa bırneşe qylmystyq ıstı tergeudı bastady», – dedı QR IIM ūiymdasqan qylmysqa qarsy küres departamentınıŋ basqarma bastyǧy Quandyq Alpys.
Sol künı polisiia küşımen Stepnogorsk qalasynda osyǧan ūqsas ūstau jürgızıldı. Jedel jūmystyŋ nätijesınde qorqytu jäne küş körsetu arqyly qalanyŋ tūrǧyndaryn bopsalaumen ainalysqan jergılıktı kriminalitettıŋ qatarynan tūratyn toptyŋ joly kesıldı.
«Qylmystyq toptyŋ barlyq müşelerı ūstalyp, uaqytşa ūstau izoliatoryna qamaldy. Olarǧa qatysty Aqmola oblysy PD tergeu basqarmasy bopsalau faktılerı boiynşa 6 qylmystyq ıstı tergep jatyr. Körsetılgen faktıler boiynşa özge mälımetter tergeu müddesınde jariialanbaidy», – dedı Quandyq Alpys.
Ūqsas jaŋalyqtar
