Jyl saıyn Kaztalov aýdanynda jas mamandar sany artýda, dep habarlaıdy "Adyrna" tilshisi.
Ótken jyly jumysshylar qatary 12 dáriger, 16 orta býyn medıına qyzmetkerlerimen tolyqty.
2023 jyly eki aýrýhanaǵa jalpy quny 761 mıllıon teńgeni quraıtyn 51 dana túrli medıınalyq qondyrǵylar men jabdyqtar, 8 birlik jedel járdem avtokólik alynǵan.
Qaraoba dárigerlik ambýlatorııasyna kúrdeli jóndeý jumystary júrgizilip, paıdalanýǵa berilgen. Al aýdanǵa qarasty Qaraózen aýylynda feldsherlik-akýsherlik pýnkt, Bostandyq aýylynda dárigerlik ambýlatorııa salynyp, halyq ıgiligine tabystaldy.
№2 aýrýhananyń aýlasyn abattandyrý jumystary júrgizilse, Qaıshaqudyq aýylyna modýldik medıınalyq pýnkt salynýda. Jaqyn arada paıdalanýǵa berilgen.
Kaztalov aýdandyq aýrýhanasyn 2024 – 2025 jyldary japsarlas qurylys júrgizilip, kópbeıindi ortalyq aýrýhanaǵa aınaldyrý josparlanýda.
Aýdandyq aýrýhanany aýdanaralyq aýrýhanaǵa aınaldyrý úshin qosymsha shtattar engizý jáne 36 dáriger, 56 orta býyn medıınalyq qyzmetkerler qajet etetin bolady.
Oblys ákimi Narıman Tóreǵalıevtiń qoldaýymen aýdanǵa Semeı, Túrkistan, Aqtóbe, Oral qalalarynan jáne Jánibek aýdanynan kelgen 6 maman dárigerdi qyzmettik turǵyn úılermen qamtamasyz etý maqsatynda jańadan salynǵan 6 turǵyn úıdiń kiltine ıe boldy.
Aıtýly sharaǵa qatysqan medıına salasynyń ardageri Kúnsulý Iskakova men turǵyn úıge qol jetkizgen jalpy tájirıbeli dáriger, jas maman Móldir Bekbatyrqyzy sóz alyp, qoldaý bildirgen oblys, aýdan basshylaryna alǵystaryn da bildirdi.