Ózbekstan prezıdenti Shavkat Mırzıeev Olıı Majlıs Senaty (parlamenttiń joǵarǵy palatasy) ókilderiniń sanyn úshten birge – 100-den 65 adamǵa deıin qysqartý týraly zańǵa qol qoıdy, dep habarlaıdy “Adyrna” ulttyq portaly.
«Ózbekstan Respýblıkasy «Olıı Majlısiniń Senaty týraly» Konstıtýııalyq zańǵa sandyq ózgerister engizýdi kózdeıdi. Eger buǵan deıin Qaraqalpaqstan, Tashkent jáne Ózbekstannyń 12 oblysynan memlekettik organǵa alty adam saılansa, endi bul san ár oblystan tórt ókilge deıin qysqarady. Sonymen qatar, prezıdent qosymsha taǵaıyndaǵan 16 senatordyń ornyna memleket basshysy parlamenttiń toǵyz depýtatyn taǵaıyndaıdy.
Bul rette senatorlardy saılaý tártibi ózgerissiz qalady. Óńirlik ókilder jergilikti bılik organdarynyń otyrystarynda jasyryn daýys berý arqyly saılanady, al ǵylym, óner, ádebıet, óndiris jáne qoǵam ómiriniń basqa da salalarynda tájirıbesi men erekshe eńbegi bar bedeldi azamattardyń arasynan kandıdattardy prezıdent bekitedi.
