2024 jyldyŋ 24 aqpanynda Nūrsūltan Nazarbaev halyqaralyq äuejaiy jolauşylarǧa "äuejaidaǧy namazhanalarǧa" qatysty habarlandyru jasady, dep habarlaidy "Adyrna" ūlttyq portaly.
Būl mälımdeme turaly elordalyq äue ailaǧynyŋ Telegram-arnasynda jazba jariialandy. "Işkı jöneltu terminalyndaǧy namaz oqityn bölmenı qaita jöndeu jūmystarynyŋ aiaqtalǧanyn quana habarlaimyz. Namazǧa arnalǧan erler men äielder bölmelerı keluşıler zalynyŋ bırınşı qabatynda ornalasqan, būl jolauşylar men keluşılerge yŋǧailylyq pen jailylyqty qamtamasyz etedı", - delıngen mälımdemede. Sonymen qatar, Astana halyqaralyq äuejaiynyŋ ekınşı qabatyndaǧy sterildı T2 alaŋynda taǧy bır namazhana bar ekendıgı aityldy. "Jolauşylar jolǧa şyǧar aldynda İslam negızderınıŋ bırı - namazdy oqi alady. Bız barlyq jolauşylarymyz üşın yŋǧaily dūǧa etu ortasyn qamtamasyz etu üşın bar küş-jıgerımızdı jūmsadyq. Būl özgerıster saparyŋyzdy jeŋıl ärı jaily etuge kömektesedı dep ümıttenemız. Sızge sättılık tıleimız, sät sapar!», - dep habarlady Nūrsūltan Nazarbaev halyqaralyq äuejaiy."Adyrna" ūlttyq portaly
Ūqsas jaŋalyqtar
