Qazaqstandyq jankúıerler Túrkııanyń Antalııa qalasynda alǵash ret ótken Qazaqstan sýperkýboginiń fınaly kezinde tóbeles shyǵardy. Bul týraly jelide vıdeo tarady, dep habarlaıdy “Adyrna” ulttyq portaly.
Oıynda shymkenttik "Ordabasy" men qostanaılyq "Tobyl" kezdesken.
Sporttyq sharada Túrkııada turatyn otandastarymyz ben oıynǵa arnaıy kelgen qazaqstandyq jankúıerler bas qosty. Ekinshi taımnyń ortasynda trıbýnada bastalǵan tóbeles jankúıerlerdiń bir-birine oryndyq laqtyrýyna ulasqan.
Jappaı tóbeleske jankúıerler turǵan sektordyń bir-birinen alshaq bolmaýy sebep bolǵan. Oıyn qorytyndysy boıynsha esep 1:1 bolyp, match teń aıaqtaldy. Al penaltıler serııasynyń qorytyndysy boıynsha "Tobyl" 6:5 esebimen jeńiske jetti.
