Máskeýde Qazaqstan Premer-Mınıstri Oljas Bektenov pen Reseı Premer-Mınıstri Mıhaıl Mıshýstın kelissózder júrgizdi. Bul týraly QR Mınıstrler Kabınetiniń baspasóz qyzmeti málimdedi, dep habarlaıdy “Adyrna” ulttyq portaly.
«Qazaqstan Respýblıkasynyń Premer-Mınıstri Oljas Bektenov Reseı Federaııasy Úkimetiniń Tóraǵasy Mıhaıl Mıshýstınniń shaqyrýymen Máskeýge jumys saparymen bardy. Kelissózder barysynda úkimet basshylary aǵymdaǵy saýda-ekonomıkalyq yntymaqtastyq máselelerin jáne Qazaqstan Respýblıkasynyń Prezıdenti Qasym-Jomart Toqaev pen Reseı Federaııasynyń Prezıdenti Vladımır Pýtın arasynda jasalǵan kelisimderdiń oryndalý barysy týraly talqylady», — delingen habarlamada.
Mınıstrler kabınetiniń habarlaýynsha, taraptar saýda-ınvestıııalyq, ónerkásiptik kooperaııa, energetıka, aýyl sharýashylyǵy, azamattyq avıaııa, sondaı-aq tranzıttik jáne kóliktik yntymaqtastyq salalarynda birlesken is-qımyldardy belgiledi. Sonymen qatar, aqparatqa sáıkes, mádenı-aǵartý salasyndaǵy ózara is-qımyl máseleleri talqylandy.
«Bektenov ónerkásiptik kooperaııa men saýda-sattyq ózara is-qımyldy damytýdyń oń qarqynyn atap ótti. Qazirgi tańda eki eldiń kásipkerlik sýbektileri jalpy quny 26,5 mıllıard dollar bolatyn 135 jobany júzege asyrýda, sonymen qatar ekonomıkanyń negizgi salalarynda, sonyń ishinde mashına jasaý, metallýrgııa jáne hımııa ónerkásibinde jalpy quny 14 mıllıard dollar bolatyn 67 birlesken joba ázirlenýde», - delingen habarlamada.
Baspasóz qyzmetiniń málimetinshe, birlesken kúsh-jigerdiń arqasynda 11 myńnan astam jumys orny ashylady.
«Elder arasyndaǵy qarym-qatynastar saýda-ekonomıkalyq jáne mádenı yntymaqtastyqtyń barlyq spektri boıynsha jemisti damyp keledi. Mańyzdy baǵyt – ónerkásiptik kooperaııa. Bul tabysty ekijaqty yntymaqtastyqtyń belgisine aınaldy. Bizdiń elderdiń úkimetteri elderimizdiń basshylary qol jetkizgen barlyq ýaǵdalastyqtardy júzege asyrý úshin bar kúsh-jigerin salady», - dedi Bektenov.
Qazaqstan Respýblıkasy Úkimetiniń basshysy Qazaqstan-Reseı memlekettik shekarasyndaǵy ótkizý pýnktterin jańǵyrtý jumystaryn jedeldetý jáne sınhrondaý qajettigin atap ótti.
«Kezeńdi jumys aıasynda 2027 jyldyń sońyna deıin júktemeni eskere otyryp anyqtalǵan 30 baqylaý-ótkizý pýnktiniń 29-y qaıta jańǵyrtylady. Bul sharalar tranzıtti jeńildetedi jáne ortaq shekaranyń búkil uzyndyǵy boıynsha ótkizý qabiletin arttyrady. Sondaı-aq halyqaralyq «Soltústik-Ońtústik» dáliziniń áleýetin keńeıtýge, Qazaqstan-Túrkimenstan-Iran temirjol ýchaskesin qarqyndy paıdalana otyryp, kólik arterııasyn damytýǵa nazar aýdaryldy», - dep tolyqtyrdy úkimet.
Qazaqstandyq tarap sonymen qatar aýyl sharýashylyǵy ónimderin tereń óńdeýge basymdyq bere otyryp, agrarlyq sektordaǵy yntymaqtastyqty jandandyrýdyń perspektıvaly baǵyttaryn aıtty.
Mıshýstın óz tarapynan memleket basshylary deńgeıinde qabyldanǵan barlyq sheshimder men ýaǵdalastyqtardy júzege asyrý úshin belsendi jumys isteýge daıyn ekenin bildirdi.
«Biz Qazaqstanmen ózara qurmet, senim jáne strategııalyq áriptestik qaǵıdattary negizinde qarym-qatynasty nyǵaıtýǵa basymdyq beremiz. Ónerkásip, energetıka, medıına, kólik ınfraqurylymy, ıfrlyq tehnologııalar salalarynda aýqymdy jobalar júzege asyrylýda.
Men Reseı men Qazaqstannyń kólik jáne logıstıka salasyndaǵy yntymaqtastyq úshin orasan zor áleýeti bar ekenine senimdimin. Eýrazııadaǵy eń mańyzdy tranzıttik baǵyttar bizdiń elderimizdiń aýmaqtary arqyly ótedi», - dedi Mıshýstın.
Taraptar óńiraralyq yntymaqtastyqty, sondaı-aq bilim berý salasyndaǵy ózara is-qımyldy odan ári nyǵaıtýdyń mańyzdylyǵyn atap ótti.
«Kelissózder nátıjesinde úkimet basshylary memleketaralyq qatynastardyń barlyq spektri boıynsha birlesken jumystyń joǵary qarqynyn saqtaý nıetin rastady», - dep habarlady úkimet.
