Saud Arabiiasynda 200 mektep CodiPlay startapynan qazaqstandyq Edtech tehnologiiasyn paidalanatyn bolady. Kompaniia Er-Riiadta ötken LEAP 2024 tehnologiialyq forumynda jasandy intellektılı oqu kömekşısımen (AILA) strategiialyq serıktestık turaly memorandumǧa qol qoidy, dep habarlaidy "Adyrna" ūlttyq portaly kompaniianyŋ baspasöz qyzmetıne sıltep.
Qūjatqa Saud Arabiiasynyŋ Ūlttyq tehnologiialardy damytu baǧdarlamasy (NDTP) jäne Bailanys jäne aqparattyq tehnologiialar ministrlıgınıŋ ((MCIT) qoldauymen qol qoiyldy, qazaqstandyq taraptan Saud Arabiiasyndaǧy Qazaqstannyŋ Elşılıgı qoldau körsettı.
CodiPlay «Bılım sapasyn arttyruǧa jäne jastardy IT-tehnologiialar sektoryndaǧy bolaşaq mamandyqtarǧa daiyndauǧa baǧyttalǧan «Vision 2030* bastamasynyŋ negızgı maqsattaryna qol jetkızuge yqpal etetın» 200 jergılıktı mekteptıŋ oqu üderısınde paidalanylatyny aityldy.
CodiPlay - būl oquşylardyŋ IT sauattylyǧyn damytuǧa baǧyttalǧan keşendı bılım beru şeşımı. CodiPlay qoldanbasy mobildı oiyndardy paidalanyp Scratch, C++ jäne Python tılderınde baǧdarlamalau daǧdylaryn meŋgeruge mümkındık beredı. Qosymşada CodiKits de qol jetımdı, olar ärtürlı IoT (zattardyŋ internetı) jobalaryn jasauǧa mümkındık beredı. Mäselen, baǧdarşamnan bastap smart üi jüiesıne deiın. Sonymen qatar, startap mūǧalımderdı qoldau üşın «CodiTeach» veb-platformasyn äzırledı.
Ūqsas jaŋalyqtar
