Tehnologiia qazaq balasyna kerek. Tehnologiia qūdırettı dünie. Kımnıŋ qolynda tehnologiia bar, sol özın qorǧaidy.
Mysaly, kışkentai ǧana şuruptyŋ injenerlık syzbasy orasan oilaudy, midyŋ jūmys küşın talap etedı. Ärbır elementı mūqiiat esepteledı. Standartqa sai etıledı. Mūny eseptep, syzǧan, jasaǧan adam tüsıne alady. Būl tehnologiia jasaudyŋ millionnan bır bölıgıne jatady. Būl midyŋ jūmysy. Qazaq balasy tehnologiia jasaǧysy kelse, bärın jinastyryp, midyŋ jūmysyna köşuı kerek. Äitpese tehnologiia tügılı tas ta joq.
Elde praktika jüzınde tehnologiialyq salaǧa qarjy qūiatyn investorlar şyqsa jaqsy bolar edı. Eger adal milliarderı men esı dūrys bailary bolsa, ötken 30 jylda būl progress ıske asuy kerek edı. Eger olar ūry bolsa, olar būl salaǧa eşqaşan qarjy qūimaidy. Eger adalynan tapsa, onda olar qarjy qūiady. Adal eŋbekpen tabylǧan dünie adal ideialarǧa jūmys jasaidy.
Qazaqşa tehnologiia jasau janaşyr investorlar şyqsa ǧana bastalar edı. Eger de osylai jasasa, nebır daryndy, tehnokrat jastar qaptap şyǧady. Oǧan kümän joq. Uot, odan keiın ideiasy bar ǧūlamalardy osy alaŋǧa tarta ber. Talai myqty topty jarady. Talai myqty bäigege tüsedı. Irıkte sosyn ışınen. Qazaq balasy tehnologiia jasamasa, otar bolyp ketuı mümkın. Tehnologiia qazaq tılınde jasalsa, tıl ǧylym tılıne ainalyp, otarlyqtan bosaidy. Tıl ǧylymnyŋ tılıne ainalmai, qazaq elınde damu bolmaidy. Būl aksioma.
Tıl ǧylymnyŋ tılıne ainaluy üşın, sol tılmen ǧylym jasaluy kerek. Ony jasauǧa bolady. Ǧylymnyŋ tılıne ainalǧan tılden ǧana ūlttyq brend şyǧady. Niet bolsa ol jasalady. Özge jūrtty özıŋe ūlttyq ǧylymyŋmen ǧana moiyndatyp, syilata alasyŋ. Ūlttyq zamanaui qūndylyq, örkeniet bäsekesı tek senıŋ tılıŋ men ūlttyq bolmysyŋnan şyqqan qūndylyqpen ǧana ömırge keledı. Japon, nemıs, kärıs, evrei, amerikan, aǧylşyn bärı de osylai jasap otyr.
Eeee, qazekem, bır bırımızdıŋ qara basymyzǧa tönıp, synap-mıneitın kez emes. Qara basyŋdy emes, bılımıŋdı synǧa salar kez būl. Basqa jolmen köp närsenıŋ şeşımın tappaimyz.
Tehnologiia, tehnologiia jäne tehnologiia!
Bekbolat QARJAN,
"Adyrna" ūlttyq portaly
Ūqsas jaŋalyqtar
