Prezident Qasym-Jomart Toqaevtyŋ töraǧalyǧymen Ūlttyq qūryltaidyŋ otyrysy bastaldy. Qazır Qūryltai müşelerı seksiialarda aitylǧan ūsynystar men bastamalardy ortaǧa salyp, öz oilarymen bölısıp jatyr, dep habarlaidy «Adyrna» tılşısı.
«Alǧaşqy otyrys Ūlt ūiasy Ūlytau jerınde ötse, byltyr kielı Türkıstanda jinaldyq. Bügın taǧy bır tarihi ölke – Atyrau oblysyna kelıp otyrmyz. Üşınşı otyrystyŋ Jaiyq jaǧasynda ötıp jatqany tegın emes. Äigılı Saraişyq qalasy osy jerge tiıp tūr. Būl şahar Ūlyq ūlystyŋ, keiın Qazaq handyǧynyŋ maŋyzdy äkımşılık jäne sauda ortalyǧy bolǧany tarihtan belgılı»,—dep sözın bastady prezident.
Qasym-Jomart Toqaev qazaq tılıne degen sūranystyŋ jyl ötken saiyn artyp kele jatqanyn aitty.
«Tılımızdıŋ qoldanu aiasyn keŋeite tüsu memlekettık saiasattyŋ basty baǧyty bolyp qala beredı. Būl – bız üşın myzǧymas ūstanym.
Elımızde qazaq tılıne degen sūranys jyl ötken saiyn artyp keledı. Qazaq tılı biznestıŋ, ǧylym men tehnikanyŋ tılıne ainala bastady. Būl ürdıstı odan ärı damytudyŋ eŋ tiımdı ärı töte joly – aǧartuşylyq.
Qazır ırı kıtap dükenderınde qazaq tılındegı tuyndylardyŋ ülesı arta tüstı. Soŋǧy kezde baspagerlerdıŋ jaŋa buyny älemdık bestsellerge ainalǧan şyǧarmalardy audaryp jür. Köptegen kıtaptardy şyǧaryp jatyr. Audarylǧan kıtaptardyŋ ışınde körkem ädebiet qana emes, ıskerlık baǧyttaǧy tuyndylar da köp. Memlekettık saiasattyŋ mänı – osynda.
Eşkımdı mäjbürlemei, kündelıktı ömırdegı qajettılıktı arttyru arqyly tılımızdıŋ tūǧyryn nyǧaita beremız. Memlekettık tılge qatysty qūr sözden eşteŋe şyqpaidy. Eŋ bastysy, naqty ıs boluy kerek»,—dedı ol.
