13-16 naýryz aralyǵynda Sochı taýlarynda «Roza Hýtor» kýrortynda taý-shańǵy ındýstrııasynyń álemindegi eleýli oqıǵa –Eýrazııanyń taý kýrorttarynyń festıvali ótti!
Festıval 2023 jyldyń maýsym aıynda qurylǵan Taý Kýrorttarynyń Eýrazııalyq Alıansy (TKEA) ótkizgen alǵashqy iri shara boldy. Onyń quramyna «Shymbulaq», «Roza Hýtor» (Reseı), «Amırsoı» (Ózbekstan), sonda ı-aq «Shahdag» (Ázirbaıjan) kýrorttary kiredi. Birlestiktiń maqsaty – Eýrazııadaǵy týrızmniń strategııalyq damýyna, kásibı qarym-qatynasty damytýǵa, taý kýrorttarynyń úzdik tájirıbesi men brendterin tanytýǵa arnalǵan platformamen jabdyqtaý.
Festıvalǵa túrli elden kelgen 150 qonaq qatysty, olardyń arasynda Armenııa, Ázirbaıjan, Belarýs, Qazaqstan, Qytaı, Qyrǵyzstan, Reseı, Tájikstan jáne Ózbekstannyń ókilderi bar. Bul shara taý-shańǵy sportyn súıetinder úshin naǵyz merekege aınaldy.
Ashylý saltanaty Taýly Olımpıadalyq qalashyqta ótti, onda qatysýshylar komandalary «Mýjskoı Olımpııskıı spýsk» (1600 m) jolynda óz sheberlikterin kórsetti. Shymbulaq nusqaýshylary kóz tartarlyq sınhrondy syrǵanaý ónerin kórsetip, qoldaý men qoshemetke ıe boldy.
Tórt kún boıy kásibı pikirtalastar, mádenı sharalar jáne bilim berý baǵdarlamalary ótip, qatysýshylardy taý-shańǵy týrızmin damytýǵa degen qulshynystary biriktirdi.
Osylaısha, festıval aıasynda týrızmdi damytý, týrısttik qyzmetter sapasynyń biregeı standarttaryn engizý jáne memleketaralyq týrıstik taý marshrýtyn jasaý taqyryptaryna arnalǵan dóńgelek ústelder men pikirtalastar ótkizildi. Basty maqsattarynyń biri – alıansqa kiretin taý kýrorttary arasynda biregeı skı-passty engizý, sonyń arqasynda kýrorttaǵy qyzmet kórsetý sapasynyń biregeı deńgeıin qalyptastyryp, týrısttik aǵyndy kóbeıtýge bolady.
Festıvaldaǵy mádenı qarym-qatynasqa erekshe nazar aýdaryldy. Kórme aıasynda ár el óziniń ulttyq taǵamdarymen tanystyrdy, al Shymbulaq qonaqtardy beshbarmaq, baýyrsaq sııaqty qazaqı taǵamdarmen qýantyp, kelýshilerdiń júregin jaýlady.
Festıvaldiń qorytyndy kezeńinde dástúrdi jalǵastyrý estafetasy «Shahdag» kýrortyna berildi, kýrort 2025 jyly sharany uıymdastyrýǵa bel sybana kirispek.
Sondaı-aq, bizdiń qazaqstandyq "Oi-Qaragai" taý kýrorty osy tamasha sport túrin damytýshy taý-shańǵy kýrorttary otbasylarynyń qataryn keńeıtip, Taý Kýrorttarynyń Eýrazııalyq Alıansyna múshe boldy.
