Memleket basshysy Qasym-Jomart Toqaev kásipkerlerge meshit ornyna mektep, kitaphana men aýrýhana salýdy surady, dep habarlaıdy "Adyrna" ulttyq portaly.
Ol Ulttyq Quryltaı otyrysynda sóılegen sózinde osyndaı ıgi ister urpaq esinde qalyp, rızashylyq týdyratynyn atap ótti.
«Óńirlerde óz qarajatyna meshit salyp jatqan kásipkerlerdiń shynaıy, ıgi nıetterin túsinemin. Biraq jańa mektep, jataqhana, aýrýhana, kitaphana, murajaı, sport keshenderi salynsa, meshit salǵannan kem emes ıgilikti jáne paıdaly is bolar edi. Urpaqtary osyndaı naqty isterdi baǵalap, rıza bolatynyna senimdimin», – dedi Qasym-Jomart Toqaev.
Prezıdent jastar arasynda beleń alǵan bet-aýzyn búrkep, tumshalanyp alatyn dinı kıimder bizdiń ulttyq salt-dástúrimizden alshaq ekenin atap ótti.
