Búgin kompozıtor, etnograf - ǵalym, qazaqtyń jáne kóptegen halyqtardyń dástúrli ulttyq mýzykasyn zerttep ony notaǵa túsirýshi jáne QazSSR-niń tuńǵysh halyq ártisi Aleksandr Vıktorovıch Zataevıchtiń týǵanyna – 155 jyl toldy.
1869 jyly Orlov gýbernııasynyń Bolhov qalasynda dúnıege kelgen ol alǵashqy bilimin Orel qalasyndaǵy áskerı gımnazııada alǵan.
1920 jyldan bastap jol qıyndyǵyna qaramastan Qazaqstannyń barlyq aımaqtaryn aralap, ómiriniń sońǵy jyldaryna deıin qazaqtyń ónerdegi baı-murasyn jınap, ulttyq mýzykany zertteýge jol ashty. Ol el aralap júrip qazaq zııalylarymen, belgili ánshi-kúıshilermen, qarapaıym jurtshylyqpen kezdesý nátıjesinde 1925 jyly «Qazaqtyń 1000 áni», al 1931 jyly «Qazaqtyń 500 ánderi men kúıleri» atty jınaqtaryn shyǵardy. A.V. Zataevıch jınap notaǵa túsirgen qazaqtyń ánderi men kúıleri, mýzykalyq murasy búkil álemge tarady. Sonymen qatar áıgili etnograf, daryndy kompozıtor qazaqtyń kameralyq mýzykasynyń da negizin saldy.
