Mäskeudegı teraktıde qaza tapqandar men zardap şekken qazaqstandyqtar turaly aqparat tüsken joq, dep habarlaidy “Adyrna” ūlttyq portaly QR Syrtqy ıster ministrlıgınıŋ baspasöz qyzmetıne sıltep.
«Qazır bız jaǧdaidyŋ egjei-tegjeiın anyqtap jatyrmyz. Mäskeudegı Elşılık jergılıktı bilık organdarymen jäne tiıstı qyzmettermen bailanysta. Qaza tapqandar men zardap şekkender arasynda Qazaqstan azamattarynyŋ bar-joǧy turaly aqparat joq. Qosymşa aqparat qoljetımdı bolǧan kezde beremız. Qazır elşılık 8 (925) 897-71-14 senım telefonyn aşty», - dedı senbıge qaraǧan tünı QR Syrtqy ıster ministrlıgınıŋ resmi ökılı Aibek Smadiiarov.
Esterıŋızge sala keteiık, 22 nauryz künı keşke Reseidıŋ Krokus Siti Hollynda belgısız bıreuler ırı terakt jasaǧan bolatyn. Aldyn ala mälımet boiynşa, ondaǧan adam qaza tauyp, 100-den astamy jaralanǧan. Krokus Siti Holldaǧy teraktıge bailanysty Qazaqstan azamattary üşın senım telefony aşyldy. Prezident Qasym-Jomart Toqaev Qazaqstan atynan Mäskeudegı Krokus Siti Holldaǧy laŋkestık ärekettı qataŋ aiyptady. Aita keteiık, Ukraina laŋkestık äreketke qatysy joqtyǧyn bırden mälım ettı.
Ūqsas jaŋalyqtar
30 milliard aqşa jymqyrǧan. Däulet Mūqaev 5 myŋ adamdy aldap soqqan äieldıŋ ısın jıtı qaraudy ūsyndy
