Máskeý túbindegi Krasnogorsk qalasynda ornalasqan "Krokýs Sıtı holl" konert zalynda bolǵan teraktide 60-tan astam adam qaza tapty, dep habarlaıdy “Adyrna” ulttyq portaly Reseıdiń tergeý komıtetine siltep.
Vedomstvonyń málimetinshe, konert zalynda tergeý amaldary áli de júrip jatyr.
“Qaza bolǵandar sany 60-tan asty. Qaza bolǵandar sany artýy múmkin. 100-den astam adam jaraqat alǵan” dep jazdy tergeý komıteti.
Máskeý oblysynyń gýbernatory Vorobev 115 zardap shekken adamnyń aýrýhanada jatqanyn, olardyń 60-ynyń jaǵdaıy aýyr ekenin aıtty.
Al Reseı prezıdenti Vladımır Pýtın osy oqıǵaǵa oraı ázirge málimdeme jarııalamady.
Esterińizge sala keteıik, 22 naýryz kúni keshke Reseıdiń Krokýs Sıtı Hollynda belgisiz bireýler iri terakt jasaǵan bolatyn. Aldyn ala málimet boıynsha, ondaǵan adam qaza taýyp, 100-den astamy jaralanǵan. Krokýs Sıtı Holldaǵy teraktige baılanysty Qazaqstan azamattary úshin senim telefony ashyldy. Prezıdent Qasym-Jomart Toqaev Qazaqstan atynan Máskeýdegi Krokýs Sıtı Holldaǵy lańkestik áreketti qatań aıyptady. Aıta keteıik, Ýkraına lańkestik áreketke qatysy joqtyǵyn birden málim etti.
