Mäskeude ornalasqan Kudrin alaŋyndaǧy meiramhanada jarylys boldy, dep habarlaidy “Adyrna” tılşısı.
Jarylys saldarynan üş adam qaza tauyp, 21 adam jaraqat aldy. Būl turaly Reseidıŋ ūlttyq antiterrorlyq komitetı habarlaǧan.
Vedomstvonyŋ mälımetınşe, oqiǧa qoldan jasalǧan jarylǧyş qūrylǧynyŋ ıske qosyluynan bolǧan. Aldyn ala aqparat boiynşa, jarylǧyş zatty alyp jürgen äiel qūrylǧyny meiramhanaǧa kırgızbek bolǧan. Saldarynan qūrylǧy syrtta jarylǧan.
Qaza tapqandar qatarynda jarylǧyş qūrylǧyny alyp jürgen äiel, ony ǧimaratqa kırgızbegen küzet qyzmetkerı jäne bır keluşı bar. Zardap şekkenderdıŋ naqty sany ärtürlı derekközderde özgeşe körsetılgenımen, ūlttyq antiterrorlyq komitet 21 adamnyŋ jaralanǧanyn habarlady.
Reseilık BAQ-tyŋ habarlauynşa, jarylys Balzi Rossi meiramhanasynyŋ maŋynda, jazǧy verandaǧa kıreberıs tūsta bolǧan. Sol uaqytta onda jeke ıs-şara ötıp jatqan. Keibır basylymdar keşke şamamen 50 adam qatysqanyn habarlady.
Oqiǧadan keiın äleumettık jelıde meiramhana ışınde gaz ballony jarylǧany turaly aqparat tarady. Alaida meiramhananyŋ bas aspazy Karlo Alfieri būl mälımettı joqqa şyǧaryp, jarylys ǧimarattyŋ syrtynda bolǧanyn aitty.
Qazır qūqyq qorǧau organdary oqiǧanyŋ barlyq män-jaiyn anyqtap jatyr. Qaza tapqandar men zardap şekkenderdıŋ jeke tūlǧalary äzırge jariialanǧan joq.
