Bügın - Memlekettık Eltaŋbanyŋ avtory, säuletşı Jandarbek Mälıbekovtıŋ tuǧan künı. Tırı aŋyz 82 jasqa toldy.
Qazaqstannyŋ Eltaŋbasynyŋ avtory Jandarbek Mälıbekov 1942 jyly Qyzylorda oblysyndaǧyJaŋaqorǧan audanynyŋ Ekpındı auylynda temırjolşylar otbasynda düniege keldı. 1959 jyly Taşkentke oquǧa tüsedı. 1965 jyly oqudy tämamdap, elge oraludy közdeidı. Sol jyldardaǧy Keŋes ükımetı jürgızgen solaqai saiasattyŋ saldarynan jat elde qaluǧa tura keledı. Alaida, säuletşı Otanyna oralaryna sendı.
Senımı aldamai, 2001 jyly Astanaǧa köştı.
Aita keteiık, 1992 jyldyŋ basynda Qazaqstan Respublikasynyŋ jaŋa memlekettık rämızderın daiyndauǧa baiqau jariialanǧan bolatyn. Osy baiqauǧa köptegen talantty aqyndar, sazgerler, suretşıler men säuletşıler qatysty, olardyŋ qatarynda J.Mälıbekov te bolǧan.
1992 jylǧy säuır aiynyŋ soŋynda ol öz jobasyn Qazaqstan Respublikasy Joǧarǧy Keŋesınıŋ keŋsesıne tapsyrady. Baiqauǧa tüsken 293 eltaŋba nūsqalarynan Jandarbek Mälıbekovtıŋ jobasy jeŋıp şyqty.
