Bırqatar küdıktı bar, olardyŋ ärqaisysynyŋ äreketıne qūqyqtyq baǧa berıledı.
QR Işkı ıster ministrı Erlan Tūrǧymbaev Teŋızdegı jaǧdaiǧa bailanysty bırneşe qylmystyq ıs qozǧalǧanyn aitty, dep habarlaidy Zakon.kz tılşısı.
– Dene jaraqatyn salu men būzaqylyq boiynşa bırneşe qylmystyq ıs qozǧaldy, – dedı ol.
Onyŋ sözınşe, ärbır qylmys qūramy boiynşa naqty qatysuşylar bar.
– Bır küdıktı ūstaldy, taǧy bırneşe adam küdıktıler tızımınde bar. Ärqaisysynyŋ jauapkerşılıgı qatysuyna bailanysty anyqtalady, – dep naqtylady ministr.
– Qanşa adam jauapqa tartylady?
– Naqty qanşa adam ekenın äzırge aita almaimyn. Tergeu aiaqtalǧan soŋ aitamyn.
– Teŋızde poliseilerdıŋ aralasuymen şeteldıkterdı äketıp jatqan video jür. Ol ras pa?
– Eşkımdı älı äketken joq, olar jūmys ıstep jatyr.
