Qazaq qyzdarynan şyqqan tūŋǧyş teatr rejisserı

Sanaly ǧūmyryn teatr önerıne arnaǧan qazaqtan şyqqan tūŋǧyş rejisser qyz Ǧaini Hairollaqyzynyŋ tuǧanyna - 110 jyl toldy, dep habarlaidy "Adyrna" ūttyq portaly.  Ǧaini Hairollaqyzynyŋ esımı keibır derekterde «Ǧai­ni­jamal» dep te atalady. 1914 jyly Atyrau oblysy, Qūrmanǧazy audanynda (būrynǧy Teŋız audany – avt.) düniege kelgen. Ǧai­ni­jamal­dyŋ öner älemıne qadam basuyna türtkı bolǧany äkesı Hairollanyŋ ūlttyq aspabymyz – dombyranyŋ qūlaǧynda oinauy edı. Äkesınıŋ qanymen daryǧan qasiet qarşadai qa­zaq qyzynyŋ Reseidegı jo­ǧa­ry oqu oryndarynda bılım aluyna jol aşty. Alǧaşqy baspaldaǧy Leningrad öner teh­ni­kumyn­da­ǧy qazaq studiiasynan bas­ta­lady. Qazaq studiiasynda qyzmet etetın «Şyǧys üiı» atty ūiymynda Orta Aziiadan kelgen jastar öner körsetıp, sonyŋ ışınde Ǧainijamaldyŋ ūlt­tyq aspabymyz – dom­by­ranyŋ qūlaǧynda oinap, halyq küilerınen tartu jasauy, sol bır mezette kuä bolǧan jas­tardy eleŋ etkızedı. 1938 jyly diplomdyq jūmysyn qorǧap, arman saparyna attanady.1947 – 1949 jyldary Jambyl oblystyq qazaq drama teatrynyŋ re­jis­serı qyzmetın atqarady. Rejisserlık bılımın şyŋdau maqsatynda 1956 jyly Mäs­keu qalasyndaǧy öner ins­titu­tyna oquǧa tüsedı. Qazaqstannyŋ Halyq ärtısı Aişa Abdullina (1916 – 2019) 2017 jyly 8 nauryzda,  «Egemen Qazaqstan» gazetınde jaryq körgen «Menıŋ baǧymdy aşqan – Küläş Baiseiıtova» atty sūhbatynda: «Halyq ärtısı ataǧyn aluyma qazaq­tan şyqqan alǧaşqy äiel-rejisserlerdıŋ bırı Ǧaini­jamal Hairullina qomaqty üles qosty. Ǧainijamaldyŋ 1958 jyly äzırlegen tört qoiylymy üzdık şyǧyp, Mäs­keu­­degı sahna maitalmandary mo­iyndady», dep öz estelıgın aitady. Öner zertteuşısı Boris Erzakovichtıŋ «Qazaq halqynyŋ ǧaşyqtyq än­de­­rı» atty antologiiasynda (qū­rastyrǧan önertanu ǧy­­­lymynyŋ kandidaty Q.Jüzbasov) Ǧainijamalmen jüz­­des­ken sätterınen epizodtar ūsy­nady. Ǧainijamal Hairol­la­qy­zy­nyŋ şyǧar­ma­şy­ly­ǧy­na auqymdy taldau teatrtanuşy, önertanu ǧylymdarynyŋ kandidaty Baqyt Käkiqyzy Nūrpeiıstıŋ «Qazaq teatr rejissurasynyŋ qalyptasuy men damu kezeŋı (1915-2005 jj.)» atty 520-betten tūratyn monografiiada jasalǧan. Ǧainijamal Hairol­la­qyzynyŋ şyǧar­ma­şy­ly­ǧy­nyŋ 1-kezeŋı: 1938-1961 jyldardy, 2-kezeŋı: 1961 jyldan ömırınıŋ soŋyna deiıngı uaqytty qamtidy. Balalar men jasöspırımder teatrynda, keiın Almaty memlekettık öner institutynda (qazırgı Qūrmanǧazy atyndaǧy ūlttyq konservatoriiada) ūstazdyq qyzmet atqarady. 1967 jyly 53 jasynda kenetten dünieden ozdy.