Aqtóbe oblysynyń Yrǵyz aýdanyndaǵy sý basqan Nura aýylynda áıel júktiliktiń 36 aptasynda merziminen buryn bosandy. Bul týraly densaýlyq saqtaý mınıstrliginiń baspasóz qyzmeti málimdedi, dep habarlaıdy “Adyrna” ulttyq portaly.
Aýyl aýdan ortalyǵynan 90 km qashyqtyqta ornalasqan. Tasqynnyń saldarynan jol jabyq.
Oblystyq densaýlyq saqtaý basqarmasynyń jibergen akýsher - gınekolog, anestezıolog-reanımatologtan quralǵan brıgada mejeli jerge deıin bara almady.
Aýyl dárigerleri anany óz betterinshe bosandyrýyna týra keldi. Júkti áıel dárigerlik ambýlatorııaǵa jetkizildi. Jalpy tájirıbelik dáriger men medbıkeniń qatysýymen áıel sátti bosandy.
Salmaǵy 2.8 kg jáne 3.50 kg bolatyn egiz qyz dúnıege keldi.
Qazirgi ýaqytta ana men jańa týǵan nárestelerdiń jaǵdaıy jaqsy. Olar qajetti medıınalyq kómekpen qamtamasyz etilgen. Qorǵanys mınıstrligiń tikushaǵy ana men balany aýdan ortalyǵyndaǵy aýrýhanaǵa jetkizdi.
