Polisiia būrynǧy prezident Nūrsūltan Nazarbaevtyŋ qyzy Äliia Nazarbaevaǧa, sondai-aq Konstitusiialyq keŋestıŋ būrynǧy töraǧasy İgor Rogovtyŋ äielı Valentina Rogovaǧa qatysty qylmystyq ıs qozǧaudan bas tartty, dep habarlaidy "Adyrna" portaly "TPK Aziia" JŞS qūryltaişysy Nūrlan Bimurzinnıŋ mälımdemesıne sıltep.
Bimurzin QazTAG redaksiiasyna bergen sūhbatynda qylmystyq ıs boiynşa qandai äreketter jasalynǧanyn atady:
"Osy jyldyŋ 14 nauryzynda memleket basşysy Toqaev Bas prokuror Asylovpen käsıptı bopsalauşylardan qorǧau taqyrybynda kezdesu ötkızdı. Al 19 aqpanda Meǧdat Qaliev ekeuımız Bas prokuraturaǧa aryz jazdyq. Prezidentımızdıŋ tapsyrmasyna qaramastan, Bas prokuratura ıstı Qarjy monitoringı agenttıgıne (QMA) jıberedı, degenmen QMA-dan maǧan eşkım habarlaspady jäne eşqandai tergeu äreketterın jürgızbedı. Olar menı Almaly audandyq ışkı ıster bölımıne deiın apardy, bıraq menıŋ Almaly audanyna müldem qatysym joq, tıptı onda tūruǧa yqtiiarhatym da joq. Bız keldık, aryzymyz boiynşa tüsınıkteme berdık, qaǧaz jüzınde dälelder äkeldık. Prezident tapsyrmasyna qaramastan, olar qūjatty dūrys qaramady, keşe qylmystyq ıs qozǧaudan bas tartyp, konstitusiialyq qūqyǧymyzdy qaita būzdy", - dedı ol 5 säuırdegı mälımdemesınde.
Bimurzin Almaty qalasy Almaly audandyq ışkı ıster bölımınen Nazarbaevaǧa jäne basqa da tūlǧalarǧa qatysty aryz nomenklaturalyq ıs retınde esepten şyǧarylǧanyn körsetetın hattyŋ köşırmesın ūsyndy.
"Būl - qylmystyq ıstı qaraudan bas tartu turaly jauap, bız qazır osy ıs boiynşa şaǧym tüsırdık jäne ony tergeu sotyna jıberemız", - dep atap öttı Bimurzin.
Käsıpker Rogovaǧa qatysty jaǧdaiǧa da tüsınıkteme berdı.
"Rogova hanymǧa keletın bolsaq, ol bızdıŋ sūhbattarymyz ben söilegen sözderımızge aşumen jauap beredı. Bızdı közben körmegenın, sondai-aq bızdıŋ jala jabumen jäne bopsalaumen ainalysyp jatqanymyzdy aitady. Bıraq būl aldymen bekıtılıp, qamtamasyz etıluı kerek. Qalievpen bırge jariialap otyrǧan senımhattar, būl kompaniiamyzdyŋ "TPK Aziia" JŞS qyzmetıne qatysty ekenın körsetedı. Jäne ol bızdıŋ aktivterdı Sinooil-ǧa satuǧa qatty kırıstı. Jalpy, bız Qaliev ekeumız qanışer emespız, būl jerde eşkımdı türmege qamaǧymyz kelmeidı, t.b. Bız jai ǧana menşık qūqyǧymyzdy qalpyna keltırıp, moraldyq azaptyŋ ornyn toltyrǧymyz keledı", - dedı Bimurzin.
Eske salaiyq, Bimurzin 28 aqpanda serıktesı Qaliev ekeuı Nazarbaeva men Rogovanyŋ reiderlık şabuylynyŋ qūrbany bolǧanyn habarlaǧan bolatyn.
"2003 jyly (Nazarbaeva – red) öz yqpalyn paidalana otyryp, qūny 170 million dollardy qūraityn (2003 jylǧy esep boiynşa) jetı mūnai bazasy men 96 janarmai qūiu stansiiasynan tūratyn jūmys ıstep tūrǧan käsıporyndy basyp aldy. Reiderlık barysynda ol būrynǧy menşık ielerın türmege qamap, dene jaraqatyn salamyn dep qorqytty. Tıptı ol kündız Almatynyŋ ortalyǧynda käsıp ielerınıŋ bırınıŋ äkesın aşyqtan-aşyq ūrlap äketken jäne kuägerlerdıŋ aituynşa, ūrlauǧa qūqyq qorǧau qyzmetkerlerınıŋ qatysy boluy mümkın", - dep aitqan bolatyn käsıpkerler.
14 nauryzda Bas prokuratura Nazarbaevanyŋ reiderlık äreketı turaly käsıpkerlerdıŋ aryzyn tırkegenın habarlaǧan edı.
Ūqsas jaŋalyqtar
