Úkimet basshysy Oljas Bektenov Qulsaryǵa bardy, dep habarlaıdy "Adyrna" tilshisi.
Memleket basshysynyń tapsyrmasy boıynsha Premer-Mınıstr, Sý tasqynyna qarsy is-sharalardy úılestirý jáne sý tasqyny kezeńiniń saldaryn joıý jónindegi respýblıkalyq shtabtyń jetekshisi Oljas Bektenov Qulsarynyń jaǵdaıymen tanysty.
Premer aýmaqty tikushaqpen aralap, ózen jaǵalaýlaryn nyǵaıtý jumystarynyń barysyn qarady.
"Oljas Bektenov Qulsary qalasynyń turǵyndarymen sóılesip, olardyń qabyldanyp jatqan sharalardy kúsheıtý boıynsha suraqtaryna jaýap berdi. Sondaı-aq Jaıyq jáne Jem ózenderindegi jaǵdaımen tanysty", - delingen habarlamada.
Jylyoı jáne Qyzylqoǵa aýdandarynda tótenshe jaǵdaı rejımi saqtalyp otyr.
Qazir Qyzylqoǵa aýdanyndaǵy Mııaly, Aqqora, Jangeldın, Jasqaırat jáne Kózdiqara aýyldarynda qaýip-qater seıilgen. Alaıda Aqtóbe oblysy Oıyl aýdany jaǵynan Jem ózeni deńgeıiniń kóterilýine baılanysty Jylyoı aýdany Qulsary qalasyn sý basqan.
