Oraza ait qarsaŋynda körşıles Özbekstan prezidentı jazasyn ötep jatqandarǧa raqymşylyq jasaǧan, dep habarlaidy "Adyrna" tılşısı QazAqparatqa sıltep.
Prezident Şavkat Mirziioev «Jazasyn ötep jatqan, ıstegen ısıne ökınetın jäne ömırın özgertuge bet alǧan adamdar tobyna raqymşylyq jasau» jarlyǧyna qol qoidy. Ol jarlyqqa sai 426 adamǧa raqymşylyq jasaǧan.
426 adamnyŋ ışınde 135 sottalǧan negızgı jazasyn öteuden tolyq bosatylsa, al 200 adam merzımınen būryn şartty türde bostandyqqa şyqpaq. 26 adamnyŋ jazasy jeŋıldetılıp, bas bostandyǧynan aiyrylǧan 65 azamattyŋ merzımderı qysqardy.
Eske sala keteiık, Türıkmenstanda sottalǧandar üşın Qadır tünıne orai amnistiia jariialanǧan bolatyn. 29 nauryzda Türkımenstan prezidentı Serdar Berdımūhamedov ükımettıŋ äleumettık-ekonomikalyq damu mäselelerıne arnalǧan otyrysynda dästür boiynşa qasiettı «Gadir Gidjesi» tünı, iaǧni Qadır tünı qūrmetıne, būryn sottalǧan 356 azamatqa raqymşylyq jasau turaly jarlyqqa qol qoidy.«Raqymşylyq jasalǧandardyŋ qatarynda şet memleketterdıŋ 11 azamaty, 50 äiel, 60 jastan asqan 13 er adam, 30 jasqa deiıngı 157 adam (onyŋ ışınde üşeuı kämeletke tolmaǧandar), sondai-aq tyiym salynǧan ūiymdardyŋ qyzmetıne qatysqan 5 adam bar», - dedı Özbekstan basşysynyŋ baspasöz qyzmetı.
Ūqsas jaŋalyqtar
