Qaraǵandydaǵy Bóketov ýnıversıtetine zertteý ýnıversıteti mártebesi berildi, dep habarlaıdy "Adyrna" tilshisi.
Qazaqstan Respýblıkasy Úkimetiniń 2024 jylǵy 5 sáýirdegi №258 qaýlysyna sáıkes E.A. Bóketov atyndaǵy Qaraǵandy ýnıversıtetine zertteý ýnıversıteti mártebesi berilgen.
QS Asia reıtınginde ýnıversıtet halyqaralyq deńgeıde óziniń básekege qabilettiligin kórsete otyryp, 206-shy orynda tur. Al JOO ujymy 2000-ǵa jýyq joǵary bilikti oqytýshylardan quralyp, olardyń arasynda ataqty ǵalymdar, Ulttyq Ǵylym akademııasynyń korrespondent-músheleri jáne bedeldi ǵylymı stıpendııalardyń laýreattary, «Joǵary oqý ornynyń úzdik oqytýshysy» jáne «Úzdik ǵylymı qyzmetker» ataqtarynyń ıegerleri bar.
Professor-oqytýshylar quramy - ǵylymı oıdyń damýyna jáne bolashaq mamandardy daıarlaýǵa qundy úles qosatyn talantty adamdar. Ýnıversıtettiń ǵylymı ınfraqurylymynda 13 fakýltet, 20 ǵylymı-zertteý ınstıtýty, ǵylymı ortalyqtar men ǵylymı zerthanalar jumys isteıdi. Búginde joǵary oqý ornynda jalpy somasy 2 mıllıard teńgege jýyq 112 ǵylymı joba iske asyrylýda.
