Bektenov su tasqynynan zardap şekkenderge apta soŋyna deiın ötemaqy töleudı tapsyrdy

QR Premer-Ministrı Oljas Bektenov apta soŋyna deiın su tasqynynan zardap şekkenderge ötemaqy töleudı tapsyrdy, dep habarlaidy “Adyrna” ūlttyq portaly ükımettıŋ baspasöz qyzmetıne sıltep. «QR Premer-Ministrı Oljas Bektenov su tasqynynan zardap şekken azamattarǧa keltırılgen şyǧyndy öteu mäselesı boiynşa keŋes ötkızdı. Bügıngı künı zardap şekken 3561 otbasyna 100 AEK kölemınde joǧalǧan mülkı üşın bırjolǧy ötemaqy türınde şamamen 1 mlrd teŋge tölendı. Osy aptanyŋ soŋyna deiın barlyq zardap şekkenderge ötemaqy tölenedı», - delıngen särsenbı künı taratqan habarlamada. Baspanasynan aiyrylǧan tūrǧyndar üşın zardap şeguşınıŋ öz taŋdauy boiynşa jaŋa üiler salynady nemese naryqtan daiyn baspana satyp alynady.  Saiajai boiynşa, eger olar zardap şekken adamnyŋ jalǧyz üiı bolsa, osyndai tetık qoldanylatyn bolady. Keŋeste su tasqyny saldarynan zardap şekken öŋırlerdıŋ äkımderı keltırılgen zalaldy öteu boiynşa jürgızılıp jatqan jūmystardyŋ aǧymdaǧy nätijelerı turaly baiandady. Mäselen, Pavlodar oblysynda demeişılermen bırge  119 üi boiynşa zalal ötelıp, tūruǧa jaramsyz 5 üidıŋ qūrylysy bastaldy. Qostanai oblysynda zardap şekkender üşın Arqalyq qalasynan 27 päter satyp alyndy, 1 600 otbasyna äleumettık kömek tölendı. Aqtöbe oblysynda 44 otbasyna 94,3 mln teŋge kölemınde materialdyq şyǧyn öteldı; 57 jaŋa üidıŋ qūrylysy bastaldy. Äkımdıkterdıŋ jedel derekterı boiynşa bügınde zardap şekken üiler sany – 9 627, onyŋ ışınde:

• 9610 jeke;
• 17 köppäterlı tūrǧyn üi.

2123 üige jürgızılgen tehnikalyq tekseru nätijelerıne säikes 1067 üi qalpyna keltıruge jatpaityny anyqtaldy, al 1056 üige jöndeu jūmystaryn jürgızuge rūqsat etılgen. Zardap şekken tūrǧyn üilerge keltırılgen zalaldy baǧalau jūmystary jalǧasuda. Ükımet basşysy būl aldyn ala jasalǧan derekter ekenın jäne bırqatar öŋırlerdegı kürdelı su tasqyny jaǧdaiyn eskere otyryp, şyǧyn auqymy arta tüsuı mümkın ekenın atap öttı. "Prezident su tasqynynan zardap şekken azamattardyŋ barlyǧyna barynşa kömek körsetudı basty mındet etıp qoidy. Su tartylǧan öŋırlerde äkımdıkter zardap şekken azamattardyŋ, joǧalǧan nemese bülıngen mülıkterdıŋ tızımın jasau jäne baǧalau jūmystaryn aiaqtap, şyǧyndardy öteuge kırısuı kerek. Būl rette, tızımge üilerı sau, eşqandai zardap şekpegen adamdar kırıp ketpeuge tiıs. Komissiialardyŋ jūmysyn eşqandai biurokratiiaǧa salmai, jedel ūiymdastyru qajet. Barlyq tiıstı qyzmetter jūmylyp, küşeitılgen rejimde jūmys ıstesın", – dep atap öttı Oljas Bektenov. Zardap şekken öŋırler äkımdıkterıne jauapty tūlǧalardy jekelegen uchaskelerge bekıte otyryp, su basqan ǧimarattardy tehnikalyq tekseru jūmystaryn jedel aiaqtau, jobalardy jergılıktı jerge bailanystyru üşın tez arada jaŋa jer telımderın anyqtau tapsyryldy. Premer-ministr yqtimal su tasqynynan barynşa qauıpsız, damu perspektivasy joǧary jäne infraqūrylymmen qamtamasyz etılgen daiyn uchaskelerdı paidalanudy basymdyq retınde belgıledı.