Aqmola oblysyndaǧy Staryi Koluton auylynda özennıŋ tasuyna bailanysty bır adam joǧalyp kettı, dep habarlaidy "Adyrna" ūlttyq portaly Tengrinews.kz-ke sıltep.
Äleumettık jelılerde taraǧan aqparatqa säikes, eldı mekende ötkel men jol mäselesı uşyǧyp tūr. Tūrǧyndardyŋ aituynşa, auylǧa kırıp-şyǧu mümkın bolmai, adamdar jūmysqa bara almai qalǧan. Sonymen qatar azyq-tülık pen därı-därmek alu da qiyndaǧan.
Osy jaǧdai aiasynda auyl tūrǧynynyŋ joǧalǧany belgılı boldy. Aldyn ala mälımet boiynşa, er adam taŋerteŋ jūmysqa şyqqannan keiın qaita bailanysqa şyqpaǧan.
Aqmola oblystyq polisiia departamentı atalǧan faktı boiynşa sotqa deiıngı tergeu bastalǧanyn mälımdedı. Vedomstvonyŋ habarlauynşa, er adamnyŋ üiden şyqqany anyqtalǧan, polisiiaǧa onyŋ tuysy aryzdanǧan. Qazırgı uaqytta ızdestıru şaralary jürgızılude.
Öŋırlık tötenşe jaǧdailar departamentınıŋ mälımetınşe, ızdeu jūmystaryna ekı süŋguır toby jūmyldyrylǧan. Olar qaiyqtarmen özen aumaǧynda jūmys jürgızıp jatyr.
Jaǧdai baqylauda.
