Aqmola oblysynda ashtyqtan mal jappaı qyrylyp jatyr, dep habarlaıdy “Adyrna” ulttyq portaly KTK telearnasyna silteme jasap.
Belgili bolǵandaı, qalyń túsken qardan malshylar úılerine maldaryn aıdap bara almaı otyr. Al janýarlar qalyń qardyń kesirinen ashtyqtan qyrylyp jatyr.
Jaıylymdardyń aýyldardan shalǵaı ornalasýy jaǵdaıdy qıyndatqan. jylqyshylar ash maldy úılerine qaıtara almaǵan, sebebi jylqylardyń júrýge kúshi jetpeı otyrǵan kórinedi.
Jergilikti turǵyndar osy jaǵdaıǵa baılanysty kómek suraıdy. Olardyń aıtýynsha, arnaıy tehnıka joldy tazalap, tez arada shóp jetkizip, qalǵan maldy aman alyp qalýǵa bolady.
"Jylqylar ólip jatyr. Jaǵdaı óte qıyn. Eshqandaı kómek joq. Bul jaǵdaı barlyq jylqyshylardyń azaby. Kómek suraımyz", - deıdi jergilikti jylqyshy Temirbek Ǵalymov.
“Adyrna” ulttyq portaly
