«Taza Qazaqstan» respýblıkalyq ekologııalyq akııasynyń «Kıeli meken» aptalyǵy aıasynda Ulytaý oblysynda tarıhı oryndar men mádenı eskertkishter aýmaǵy tazartyldy. Bul týraly oblys ákimdiginiń qoǵamdyq damý basqarmasy habarlady.
Respýblıkalyq ekologııalyq akııa aıasynda oblystaǵy «Joshy han» tarıhı-mádenı kesheni, «Terekti áýlıe» kesheni, Alasha han, Dombaýyl keseneleri, Jezqazǵan, Sátbaev, Qarajal qalalary men Jańaarqa, Ulytaý aýdandaryndaǵy eskertkishter, alleıalar men memorıaldyq alańdarda senbilik ótti.
Oǵan barlyǵy 300-ge jýyq eńbek ujymdarynan 4 myńnan astam adam qatysty. Senbilikke 122 arnaıy tehnıka jumyldyrylyp, 448 gektar aýmaq qoqystan tazartyldy. Barlyǵy 65 ruqsat etilmegen qoqys orny joıylyp, 10 aýlaǵa jańa qoqys konteınerleri ornatyldy. Senbilik barysynda sonymen qatar, 632 aǵashtyń qýraǵan butaqtary kesilip, 405 túp tal otyrǵyzyldy.
Esterińizge salsaq, «Taza Qazaqstan» ekologııalyq akııasy 6 sáýirde bastalyp, 11 mamyrǵa deıin jalǵasady. Akııa aıasynda tarıhı-mádenı eskertkishter mańynda, ardagerlerdiń úılerinde senbilikter ótkizip, jappaı aǵash otyrǵyzý josparlanǵan.
