Jaıyq ózeniniń deńgeıi taǵy da kóterildi, dep habarlaıdy "Adyrna" tilshisi.
«Qazgıdromet» RMK Atyraý oblysy boıynsha 23 sáýirde saǵat 8-de gıdrologııalyq monıtorıng júrgizdi. Nátıjesinde Batys Qazaqstan oblysy aýmaǵynan keletin sý aǵynynyń saldarynan Jaıyq ózeninde kúndizgi ýaqytta sý deńgeıi kóterilgeni anyqtaldy.
Inderbor kentindegi Jaıyq ózeniniń ólsheý stansasynda – sý deńgeıi shamamen 587 sm, sý deńgeıiniń kóterilýi +5 sm, sý tasqyny bastalǵannan beri jalpy kóterilý 364 sm ekeni tirkelgen. Al Mahambet kentinde – sý deńgeıi 710 sm shamasynda, kóterilý deńgeıi + 4 sm, sý tasqyny bastalǵannan beri jalpy kóterilý 393 sm, Atyraý qalasyndaǵy ólsheý stansasynda 418 sm. deńgeıiniń táýligine +6 sm kóterilýi sý tasqynynyń basynan beri 227 sm.
«23 sáýirdegi jaǵdaı boıynsha, Irıkla sý qoımasynan sý tógý 252 m³/s», - delingen habarlamada.
«Qazgıdromet» RMK-nyń Atyraý oblysy boıynsha gıdrologııalyq monıtorıng derekteri boıynsha Qıǵash jáne Sharonov arnasynda, Edil ózeni alabynda sý deńgeıiniń joǵarylaýy baıqalatynyn málimdedi.
Qıǵash jáne Sharonov arnalarynda sý deńgeıiniń odan ári kóterilýi kútilýde.
