«Qazaqstan halqyna» Qoǧamdyq Qory jäne Batys Qazaqstan oblysynyŋ äkımdıgı Batys Qazaqstan oblysynyŋ Syrym audanynda su tasqynynan zardap şekken otbasylar üşın tūrǧyn üiler salu turaly memorandumǧa qol qoidy.
Jüzege asyrylatyn memorandum aiasynda Batys Qazaqstan oblysynda Qordyŋ qarjy resurstary esebınen jergılıktı atqaruşy organdar ūsynǧan ülgılık joba negızınde
114 tūrǧyn üi salynady.
Üiler kelesı eldı mekenderde salynady:
- Jympity auyly-49 üi;
- Būldyrty auyly - 25 üi
- Öleŋtı auyly - 38 üi;
- Jetıköl auyly-1 üi;
- Jaŋaqonys auyly-1 üi.
Osy eldı mekenderdegı su tasqynynan zardap şekken būl üiler obektivtı tekseru qorytyndysy boiynşa jöndeuge jatpaidy jäne qalpyna keltıruge jaramsyz.
Batys Qazaqstan oblysynyŋ äkımdıgı su basuǧa beiım emes aimaqtarda jaŋa üiler salu üşın jer uchaskelerın anyqtady jäne böldı, sondai-aq qajettı injenerlık infraqūrylymdy jürgızudı qamtamasyz etedı. Oryndalatyn qūrylys jūmystarynyŋ barysy men sapasyn baqylau men qadaǧalaudy oblys äkımdıgı jergılıktı qoǧamdyq belsendılermen bırlesıp jüzege asyratyn bolady.
«Bızdıŋ jerımız, halqymyz tabiǧi apatqa tap boldy, onyŋ saldary, ärine, öte qaiǧyly. Bıraq, bız ortaq küş-jıgerımızben qysqa merzımde jaŋa üiler qūrylysyn bastap, olardy tolyqtai bıtırıp, qiynşylyqqa tap bolǧan otandastarymyzǧa kömektese alamyz dep ümıttenemız. Qor būǧan Qamqorşylyq keŋestıŋ şeşımı boiynşa 10 mlrd teŋgenı, sondai-aq qamqorşyl qazaqstandyqtar men biznes ökılderı jıberıp otyrǧan qarajatty qosymşa joldap otyr», — dep atap öttı «Qazaqstan halqy» QQ töraǧasynyŋ orynbasary Läzzat Şyŋǧysbaeva.
Jaqyn uaqytta Soltüstık Qazaqstan, Qostanai, Aqtöbe jäne Aqmola oblystarynda qūrylys üşın auyldar men aumaqtar anyqtalyp, tiıstı memorandumdarǧa qol qoiylady.
«Memleket basşysy su tasqynynan zardap şekken tūrǧyndardy baspanamen qamtudy tapsyrǧan bolatyn. Osy rette, «Qazaqstan halqyna» qory da kömek körsetkelı otyr. Osylaişa oblysymyzdyŋ Syrym audanynda tūrǧyn üiler salynady. Būl quantarlyq jaǧdai. Zardap şekken tūrǧyndar baspanasyz qalmaidy, memleket tarapynan barynşa kömek berıledı» — dedı BQO äkımı Nariman Töreǧaliev.
Eskeretın jait, 1-30 säuır aralyǧynda Qordyŋ atyna tüsken barlyq aqşalai qarajat tötenşe jaǧdaidyŋ saldaryn joiuǧa jäne auyldyq jerlerde tūrǧyn üi saluǧa baǧyttalatyn bolady. Qor özınıŋ resmi saitynda donorlar men atalǧan somalardyŋ mölşerı turaly eseptı ornalastyrady.
Bügıngı taŋda Qordyŋ şottaryna 2,9 mlrd teŋge somasyna qaiyrymdylyq jarnalary tüstı. Qor säuır aiynyŋ soŋyna deiın qaiyrymdylyq qarajaty esebınen salynatyn üilerdıŋ sany artady dep ümıttenedı.
Qor qaiyrymdylyq üşın tek Qordyŋ resmi saitynda körsetılgen şottar men derektemelerdı paidalanudy sūraidy
https://qazaqstanhalqyna.kz/kk/donors.html. Jeke tūlǧalar audarymdardy bankterdıŋ mobildı qosymşalarynda «Qaiyrymdylyq» bölımı arqyly jüzege asyra alady.
Basqalarmen bölıse
otyryŋyz
