“Reseige bailanysty”. Batystaǧy tasqynnyŋ jaiy älı de kürdelı

Reseiden keletın su mölşerıne bailanysty Qazaqstannyŋ batysyndaǧy tasqyn saldary kürdelı bolyp qalyp otyr, dep habarlaidy “Adyrna” ūlttyq portaly Premer-ministrdıŋ baspasöz qyzmetıne sıltep. «Qazaqstan Premer-ministrı Oljas Bektenov Memleket basşysy Qasym-Jomart Toqaevtyŋ tapsyrmalaryn oryndau aiasynda Atyrau oblysynda su basu qaupın azaitu üşın qabyldanyp jatqan şaralardyŋ barysyn tekserdı. Oljas Bektenov oblys ortalyǧyndaǧy tūrǧyn üi alaptary bekınısterın tekseru barysynda Atyrau qalasynyŋ su tasqynynyŋ boljamdy ekınşı tolqynyna daiyndyq jūmystarymen tanysty. Batys öŋırde Resei Federasiiasynyŋ İriklin su qoimasynan sudyŋ keluıne bailanysty, sondai-aq Jaiyq özenıne qūiylar saǧadaǧy ırı tasqyn men su deŋgeiınıŋ köterıluı saldarynan jaǧdai kürdelı küiınde qalyp otyr», - delıngen särsenbıdegı habarda. Būǧan deiın habarlaǧandai, Batys Qazaqstan oblysyndaǧy ırı su tasqynynan keiın aǧyn su özen arnasymen Atyrau oblysyna qarai jyljyp, Kaspii teŋızıne qūiady. «Soŋǧy täulıkte BQO tarapynan keletın sudyŋ äserınen Atyrau qalasynda su deŋgeiınıŋ 6 sm-ge köterıluı tırkeldı (su tasqyny bastalǧannan berı jalpy köterıluı 227 sm-dı qūrady). Tūrǧyn üi alaptaryn nyǧaitu, sondai-aq Jaiyqtyŋ ötkızu qabıletın arttyru üşın özen tübın tereŋdetu jūmystarynyŋ qarqyny tekserıldı. Tiıstı küşterdıŋ kölemdı sudyŋ keluıne daiyndyq deŋgeiın qarap kördı. Ükımet basşysy Oljas Bektenov Atyrau oblysyna su tasqyny jaǧdaiy tūraqtanǧan öŋırlerden äskeri qyzmetşıler men tehnikany jedel jetkızıp, küşterdı arttyrudy tapsyrdy», - delıngen habarda. Habarda atap ötılgendei, Bügıngı taŋda su tasqynynyŋ aldyn alu şaralarynyŋ 92%-y oryndaldy. «Jūmysty tiımdı jürgızu üşın qala 111 sektorǧa bölıngen. Ūzyndyǧy 482 km qorǧanys bögetterı salyndy, aiaqtalǧan uchaskeler tehnikalyq qadaǧalau arqyly tekserıldı. Jūmystarǧa TJM, IIM, Qorǧanys ministrlıgı, Ūlttyq ūlannyŋ 6 myŋǧa juyq äskeri qyzmetşısı, äkımdık qyzmetkerlerı, 2 myŋǧa juyq tehnika jūmyldyrylǧan. Erıktıler tarapynan belsendı kömek körsetılude. Ötken senbıde jaǧalaudy nyǧaitu senbılıgı aiasynda qalany qorǧau jūmystaryna 9 myŋǧa juyq erıktı qatysty», - dep habarlady minkabinetınen. Sonymen qatar, ükımet aqparynşa, Jaiyq özenınen Kaspii teŋızıne su ötkızu qabıletın arttyru üşın özen tübın tereŋdetu jūmystary jürgızılude. Su joldaryn tazartu, tereŋdetu jäne keŋeitu maqsatynda arnaiy tehnikalyq flottyq kemeler, gidravlikalyq ekskavatorlar qoldanyluda. «Sonymen qatar suaru-sulandyru jüielerınde su tasqynyna qarsy jūmystar jürgızılude. Atyrau oblysynda 15 kanaldyŋ 14-ı Jaiyq özenı boiynda ornalasqan. Tört jüiede (Sokolok, Naryn, Chernaia rechka, Baqsai) tasqyn sudyŋ özdıgımen aǧuyna mümkındık bar. Osyǧan bailanysty sudy būru üşın jer bederın paidalanu maqsatynda arnalar tazartylyp, kanaldyŋ jiegı būzylady. Mysaly, NCOC kompaniiasy qoldanystaǧy qūrylystardy bölşektei otyryp, ūzyndyǧy 24 km bolatyn «Sokolok» qosymşa ainalma arnasyn salu üşın jerdı qazu jūmystaryn jürgızude. Jalpy alǧanda, atalǧan su būru arnalary tasqyn sudy 139,9 m3/sek aǧyzu mümkındıgıne ie. Barlyq negızgı su qabyldaǧyştarda sorǧy stansalarynyŋ qyzmetkerlerı täulık boiy kezekşılık atqaruda.», - dep habarlady ükımetten. Minkabinetı naqtylaǧandai, qauıptı aimaqqa Jarsuat jäne Qūrylys eldı mekenderı kıredı, būl aumaqta 10,5 km böget ornalasqan. «Qazırgı uaqytta būl aumaqta arnaiy tehnikalar arqyly bögetter tūrǧyzylǧan. Sondai-aq su basu qaupı bar İnderbor, Eltai, Esbol, Köktoǧai, Bödene, Örlık jäne Yntymaq auyldarynda bögetter köterılıp jatyr. Jaǧalaudy nyǧaitu jūmystary İnder, Mahambet, İsatai jäne Qūrmanǧazy audandarynda jürgızılude. Sonymen qatar su tasqynynan zardap şekken Jylyoi audanynda TJ zardaptaryn joiu jūmystary jürgızılude. Elektr jäne gazben jabdyqtaudy qalpyna keltıru jalǧasyp jatyr. 201 üide gaz beru qalpyna keltırıldı, 41 üide dezinfeksiialyq jūmystar aiaqtaldy. Zardap şekken tūrǧyndarǧa baspanany uaqytşa jalǧa alu üşın jäne basqa maqsattarǧa 100 AEK mölşerınde qarjylyq kömek körsetıledı, 3 271 otbasy tölem aldy. Zalaldy baǧalau jäne öteu jönındegı komissiia jūmysyn jalǧastyruda», - dep habarlady minkabinetınen.