Äzerbaijan «Rossotrudnichestvo» agenttıgınıŋ qyzmetın toqtatu turaly resmi nota jıberdı

Äzerbaijan resmi türde Reseidıŋ «Rossotrudnichestvo» agenttıgınıŋ el aumaǧyndaǧy qyzmetın toqtatu turaly nota joldady, dep habarlaidy "Adyrna" ūlttyq portaly Report agenttıgıne sıltep. «Rossotrudnichestvo» basşysy Evgenii Primakovtyŋ aituynşa, Äzerbaijan tarapy Reseidıŋ mädeni jäne aqparattyq ortalyǧy – «Orys üiı» zaŋdy tūlǧa retınde tırkeluı tiıs ekenın mälımdegen. Sonymen qatar, mekeme bır jarym ai ışınde jalǧa alyp otyrǧan ǧimarattan şyǧuy qajet, sebebı ǧimarat iesı ony jedel türde satuǧa şeşım qabyldaǧan. "Bız basqa ǧimaratty jalǧa alu turaly kelıssözder jürgızdık, bıraq onyŋ iesı älı naqty şeşım qabyldaǧan joq", – dedı Primakov. Aqparat közderınıŋ habarlauynşa, resmi Baku ūlttyq müddelerın qorǧau saiasatyn jalǧastyryp, syrtqy yqpaldarǧa jol bermeitının körsetude. "Bızdıŋ el şeteldık kömektı qajet etpeidı. Äsırese, kümändı shemalar arqyly körsetıletın jäne barlau sipatyndaǧy qūrylymdarmen bailanysty kömektı qabyldauǧa niettı emes", – dep atap öttı Report. Aita keteiık, būǧan deiın Äzerbaijan amerikalyq USAID agenttıgınıŋ qyzmetın de toqtatu turaly şeşım qabyldaǧan bolatyn.