Sársenbi, 1 mamyr kúni Grýzııa parlamenti ekinshi oqylymda «Sheteldik yqpaldyń ashyqtyǵy týraly» zań jobasyn qabyldady. Jobany 83 depýtat qoldap, 23 depýtat qarsy boldy, - dep habarlaıdy “Adyrna” ulttyq portaly Georgia Online saıtyna silteme jasap.
Endi belgilengen tártip boıynsha qujat komıtette jáne jalpy otyrysta úshinshi oqylymda qaralýy tıis.
Grýzııa prezıdenti Salome Zýrabıshvılı buǵan deıin parlament zańdy sońǵy oqylymda maquldasa, oǵan veto quqyǵy qoıylatynyn málimdegen.
Georgia Online jazýynsha, «Sheteldik yqpaldyń ashyqtyǵy týraly» zań jobasynda Grýzııadaǵy kommerııalyq emes zańdy tulǵalar men buqaralyq aqparat quraldary tabysynyń 20 paıyzynan astamy shetelden keletin bolsa, sheteldik agent mártebesin alady dep boljanýda. Mundaı uıymdar mindetti tirkeýden ótýi kerek, al eger olar odan bas tartsa, aıyppul salynady. Al Grýzııanyń Ádilet mınıstrligi olarǵa qatysty tergeý júrgizýge quqyly bolady.
Sheteldik agentter týraly zań jobasy Grýzııa parlamentinde 2024 jyldyń 17 sáýirinde birinshi oqylymda qabyldandy. Elde zańnyń talqylanýy jappaı narazylyqtarmen, polıııanyń qaqtyǵysýmen órshigen edi.
Saıtaǵy málimetke súıensek, Grýzııanyń oppozıııalyq partııalary men táýelsiz jýrnalısteri atalmysh zańdy Reseıdiń 2012 jylǵy «shetel agentteri» týraly zańnamasyna uqsaǵany úshin «Reseı zańy» dep ataıdy. Zańdy synaýshylar bul tek táýelsiz BAQ pen azamattyq sektorǵa áser etip qana qoımaı, eldiń Eýropalyq Odaqqa kirý múmkindigin de qurtýy múmkin deıdi.
AQSh Memlekettik departamenti bul zań jobasy «EO normalary men qundylyqtaryna sáıkes kelmeıdi jáne Grýzııanyń EO-ǵa qaraı qosylýyna keri áser etedi» dep málimdedi.
Al Amerıka Qurama Shtattarynda naıstik nasıhatpen kúresý úshin 1938 jyly qabyldanǵan «Sheteldik agentterdi tirkeý týraly» Zańdy (FARA) buzǵandar bes jylǵa bas bostandyǵynan aıyrylyp, 10 myń dollarǵa deıin aıyppul tóleıtin. Buqaralyq aqparat quraldarynyń habarlaýynsha, Amerıkada bul zań sırek qoldanylady - 50 jyl ishinde sotqa jeti ǵana zań buzýshylyq isi jetken, al sýdıa olardyń bireýine ǵana úkim shyǵarǵan.
