Sybaılas jemqorlyqqa qarsy qyzmet azyq-túlik baǵasyn retteýdegi sybaılas jemqorlyq quqyq buzýshylyqtardyń jolyn kesý týraly aıtty, - dep habarlaıdy "Adyrna" ulttyq portaly.
Antıkor azyq-túlik qaýipsizdigin qamtamasyz etý kezinde sybaılas jemqorlyqpen kúres máselelerin talqylady. Vedomstvonyń habarlaýynsha, maýsymaralyq kezeńde úkimet áleýmettik mańyzy bar azyq-túlik taýarlarynyń baǵasyn ustap turýǵa jáne turaqtandyrýǵa baǵyttalǵan sharalardy qabyldaýda.
"Bul másele ásirese sý tasqynynan zardap shekken óńirler úshin ózekti bolyp otyr. Taýarlar Qazaqstan naryǵyna deldaldarsyz jáne barynsha qoljetimdi baǵamen tikeleı Tájikstan men Ózbekstannan jetkiziletin bolady. Ashat Jumaǵalı sybaılas jemqorlyq táýekelderi men kórinisteriniń aldyn alý maqsatynda aýmaqtyq bólimshelerge osy úderisterdi baqylaýdy tapsyrdy" delingen Sybaılas jemqorlyqqa qarsy qyzmet habarlamasynda.
Vedomstvo Sybaılas jemqorlyqqa qarsy qyzmet kez kelgen jemqorlyq quqyq buzýshylyqtardyń, onyń ishinde zańsyz paıda alýǵa baǵyttalǵan túrli zańsyz shemalardy qurýmen baılanysty qylmystardyń jolyn kesetinin atap ótti.
«Baǵa belgileýge teris áser etetin sybaılas jemqorlyq faktorlaryna, onyń ishinde taraptardyń sáıkestigine, memlekettik apparattyń negizsiz kedergiler jasaýyna, naryqtyń josyqsyz qatysýshylarynyń aıla-sharǵysyna jáne teris paıdalanýyna erekshe nazar aýdarylady», - dep atap ótti Antıkor.
