Altaı Kólginov Qazaqstannyń Estonııadaǵy elshiligindegi resmı jumysyn bastady, dep habarlaıdy “Adyrna” ulttyq portaly Syrtqy ister mınıstrliginiń baspasóz qyzmetine siltep.
«Qazaqstan Respýblıkasynyń Estonııadaǵy elshisi Altaı Kólginov Estonııa Prezıdenti Alar Karıske senim gramotasyn tapsyrdy. Áńgimelesý sońynda Estonııa Prezıdenti Qazaqstan Elshisin resmı qyzmetine kirisýimen quttyqtap, Qazaqstan-Estonııa qarym-qatynastaryn odan ári nyǵaıtýda zor tabys tiledi», - delingen habarlamada.
Aqparatqa sáıkes, kezdesý barysynda taraptar Qazaqstan men Estonııa arasyndaǵy qarym-qatynastardyń dostyq sıpatyn, sondaı-aq ekijaqty yntymaqtastyqty jan-jaqty nyǵaıtýǵa jáne eki eldiń ózara is-qımylyn tereńdetýge baǵyttalǵan dáıekti baǵytty saqtaýdyń mańyzdylyǵy týraly habardar etti.
Eske sala keteıik, buǵan deıin Kólginov Astana ákimi bolǵanynda qaladaǵy sý máselesine qatysty synǵa qalyp, qyzmetten ketken edi. Kólginov 2016-2019 jyldary Batys Qazaqstan oblysynyń ákimi qyzmetin, 2019-2022 jyldary Astana qalasynyń ákimi, 2022-2023 jyldary Premer-Mınıstrdiń orynbasary qyzmetin atqarǵan bolatyn.
