Ótken jumada SANA FOUNDATION uıymdastyrýymen Qoǵamdyq Lekııa ótti. Rýhanı-kásibı damyǵysy keletinderge arnalǵan «Kók muhıt strategııasy» taqyrybyndaǵy lekııada óz salasynda kók muhıt strategııasynyń úlgisin jasaı alǵan kásipkerler dáris ótti. Jalpy sany 220 adamdy qamtyǵan shara kórermender kóńilinen shyqty.
SANA FOUNDATION Qoǵamdyq Qory birneshe baǵytta jumys jasaıdy. Kezdesýde «Kók muhıt strategııasy» kitabynyń tusaýy kesildi. Bul kitap Harvard Business Review baspaúıiniń álemde 4 mıllıon danamen taraǵan bestselleri. Osyǵan deıin 47 tilde jaryq kórgen.
Spıkerler kásip bastaǵysy keletinder úshin óz salalary týraly sóz qozǵady.
«Easy Tap» IT kompanııasynyń negizin qalaýshysy, «Forbes 30 under 30» qatysýshysy – Maǵzum Tólesh «Startapqa óz kógildir muhıtyn qalaı tabýǵa bolady?» taqyryby aıasynda sóıledi. Onyń aıtýynsha, startap – úlken táýekel.
Maǵzum Tólesh bıznesin Ózbekstan men Qyrǵyzstan naryǵyna shyǵarǵan. Endi onyń kásibi Ázerbaıjannyń naryǵyna da shyǵýy múmkin. Ol kitaptyń ómirine áseri týraly:
«Men "Kók muhıt startegııasy» kitabyn 2018 jyly oqydym. Kitapty oqyǵannan keıin sol jyldyń sáýir aıynan bastap oılarym ózgere bastady. Ony jelidegi jazbalarymnan baıqasańyzdar da bolady»,-dep aıtty.
Ol EasyTap IT kompanııasyna $500 myń dollardan astam ınvestıııa tartqan, qazir kompanııanyń 1.5 jyl ishinde quny $10 mln dollardan asqan.
Oqyrmandarǵa qazaqsha «Sala tańdaý» ıýtýb arnasy arqyly tanylǵan kásipker Ulan Qurmanǵalıev te sóz sóıledi. Ol kásipkerlerdiń negizgi jiberip alatyn qatelikteri týraly aıtyp, kásipti qalaı tez bastaý kerektigin jáne qandaı tabysty salalary baryn baıandady.
«Kez kelgen kásipti birden úlken qarjymen bastaýǵa bolmaıdy. Kásibińizge qajet jer men qurylǵylardy bastapqyda jalǵa alyńyz. Sol kezde shynynda sol salada jumys isteı alasyz ba, tek qyzyǵýshylyqpen naryqqa kirgińiz keldi me bári túsinikti bolady. Eger, ol kásipti ıgere almaıtynyńyzdy túsinseńiz, tek jalǵa alý aqysy ǵana shyǵyn bolady»,-dep keńes berdi.
Ulan kásip bastaý taqyrybynda kontent jasaǵandyqtan jıi táýekelge toly sheshim qabyldaıdy. Jıyrma mıllıon tipti odan da kóp qarjy joǵaltqan sheshimderi týraly aıtyp, jas kásipkerlerge oı saldy.
Urbo Coffee kofehana jelisiniń negizin qalaýshysy Dáýren Murathanuly Almaty naryǵyn qalaı jaýlaǵany týraly aıtyp berdi. Qazir onyń kofehanalary Almatyda eń kóp fılıalǵa ıe, al elimiz boıynsha 40 shaqtysy bar. Ol bızneste masshtabqa shyǵýdyń joldaryn aıtyp berdi.
«Men kásip bastaǵanǵa deıin memlekettik qyzmetker bolyp jumys istedim. Kásip bastaýǵa ıdeıa men qalaý bar, qarjy joq bolyp júrdim. Bastapqyda franchıza alyp, tek fılıal retinde kásibimdi bastadym. Qazir 7 jyl buryn ashqan Smart Point-taǵy alǵashqy bıznesim áli kúnge deıin jumys istep tur. Almatyda 30 ǵa jýyq kofehana asha aldym»,-dep aıtty.
Avataria balalar parkter jelisiniń negizin qalaýshy, vkorzinka.kz azyq túlik dúkender jelisi ıesi, YPO múshesi Almaz Týltaev 28 jyldan asa tájirıbesi bar kásipker. Óz mysalynda «Kók muhıt strategııasynan» shabyt alǵan kásipker atalmysh kitaptyń qazaq tiline aýdarylýyna demeýshilik etken. Kitap qazir Kitapal dúkender jelisiniń sórelerine qoıylyp, satylymǵa shyqqan.
Sondaı-aq, keshtiń sońyn - MBA lektory, Anglııa bolashaq stıpendııaty, bıznes konsýltant ári PHD kandıdat Jasulan Kýshebaev aıaqtady. Ol kompanııalarǵa sholý jasap, kásipkerlerge Kók muhıtqa shyǵýǵa kerek teorııalyq formýlalarmen bólisti.
Grıgorıı Petrovtyń «Fınlıandııa – aq lala gúlder mekeni» kitabynda Snelman esimdi keıipkerdiń lekııalary eldi qalaı ózgertkeni sóz bolady. Snelman sekildi tulǵalardyń lekııasynan soń, Fınlıandııa batpaqtyń ústinde turǵan elden álemdegi eń baqytty adamdar ómir súretin elge aınalǵan. Spıkerler Snelman sekildi óz tájirıbelerimen bólisip, sharaǵa kelgen azamattardyń saýaldaryna jaýap berdi.
Qoǵamdyq lekııanyń maqsaty – qoǵamdy qalyptastyrýshy platforma bolý arqyly elimizdegi ómir sapasyn arttyrýǵa, ekonomıkany jaqsartýǵa úles qosý. On jyl buryn bastalyp, araǵa biraz jyldar salyp qaıta jalǵasyn taýyp jatqan qoǵamdyq lekııa kásipkerlik pen aǵartýshylyqty trendke aınaldyrýdy kózdeıdi.
