Ulytaý oblysynyń Jańaarqada aýdanynda jazýshy, etnograf-ǵalym Aqseleý Seıdimbektiń súrilgen eskertkishiniń ornyna jańasy boı kóterdi. Bul týraly qaraǵandylyq belsendi Aısultan Jaqyp Facebook-tegi paraqshasynda jazdy, dep habarlaıdy «Adyrna» tilshisi.
«Burynǵysy áli túsime kiredi. Osy jolǵysy maǵan unady. Qutty bolsyn!»—dedi ol.
Eske salaıyq, 2022 jyly Aqseleý Seıdimbektiń 80 jyldyq mereıtoıyna oraı eskertkish boı kótergen edi. Alaıda ol kópshiliktiń kóńilinen shyqpaı, jurttyń shamyna tıgen bolatyn.
«Avatarǵa eskertkish ashyldy ma desem, Aqseleý dep jazylyp tur. Ásheıinde maquldaýy qıyn mınıstrlik mynaǵan qalaı ruqsat bergen? Tizesi bir qarys, ana qolyndaǵy taıaqqa súıense tońqalań asady ǵoı»,— dep jazǵan edi jýrnalıst Nuradın Raqaı.
Al aýdan ákimi Ǵalymjan Qusmanǵalı eskertkishtiń kórkemdik oryndalýy syn kótermeıtinin jetkizip, ornyna basqasy qoıylatynyn málimdegen.
