Ekıbastūzda 8 ailyq säbi aştan qaitys boldy, dep habarlaidy "Adyrna" ūlttyq portaly.
Būl turaly Pavlodar oblystyq sotynyŋ baspasöz qyzmetı mälımdedı. Oqiǧa 2023 jyldyŋ 10-17 qaraşasynda bolǧan.
Oblystyq sottyŋ mälımetınşe T. esımdı tūrǧynǧa qatysty qylmystyq ıs abaisyzda qazaǧa ūşyratu faktısı boiynşa qozǧalǧan.
"T. esımdı tūrǧyn 2023 jyldyŋ 10-17 qaraşasy aralyǧynda Ekıbastūz qalasy Şıdertı auylynda tūryp, segız ailyq balasyna qylmystyq nemqūraidylyq tanytyp, ony jetkılıktı tamaqpen qamtamasyz etpegen. Onyŋ abaisyzdyǧy balanyŋ ölımıne äkep soqqan", - delıngen habarlamada.Kelınşek öz kınäsın moiyndap, ıstegen ısıne ökınetının aitty. Onyŋ kınäsı sot-medisinalyq saraptamasynyŋ qorytyndysy, sarapşynyŋ aiǧaqtary jäne sotta zerttelgen basqa da qūjattamalyq, zattai däleldemeler arqyly rastalyp otyr. Sot anaǧa qatysty 1 jylǧa bas bostandyǧynan aiyru jazasyn taǧaiyndady. Al kelınşektıŋ qalǧan ekı jas balaǧa qatysty ata-ana qūqyǧy şekteldı.
Ūqsas jaŋalyqtar
