Qazaqstan prezidentı Qasym-Jomart Toqaev bas prokuror Ǧizat Nūrdäuletovtı qabyldady. Memleket basşysy bas prokurorǧa Arystaǧy jarylysqa kınälı tūlǧalardyŋ bärın jauapqa tartudy tapsyrdy, dep habarlaidy Aqorda.
Ǧizat Nūrdäuletov memleket basşysyna qadaǧalauşy organnyŋ biylǧy bırınşı jartyjyldyqtaǧy jūmystarynyŋ nätijelerı men aldaǧy kezeŋge arnalǧan josparlary turaly baiandady.
Būdan bölek, Toqaevqa bas prokuraturanyŋ qūqyq qorǧau organdarynyŋ qylmyspen küreske jäne qoǧamdyq tärtıptı qamtamasyz etuge baǧyttalǧan üilestıru funksiiasyn küşeitu jūmystarynyŋ oryndaluy jönınde baiandaldy.
Sondai-aq, Ǧizat Nūrdäuletov azamattardyŋ konstitusiialyq qūqyqtaryn qorǧau jönındegı şaralar turaly esep berdı.
Qazaqstan prezidentı bas prokurorǧa Arys qalasyndaǧy jarylystarǧa qatysty qylmystyq ıstı tergeu barysynda ädıldık pen zaŋdylyqty qamtamasyz etudı jäne kınälı tūlǧalardyŋ bärın jauapqa tartudy tapsyrdy.
Toqaev küş-jıgerdı azamattardyŋ qūqyǧyn qorǧauǧa, sybailas jemqorlyq pen köleŋkelı ekonomikaǧa qarsy küreske jūmyldyru qajettıgın aitty.
