Eks-prezident Nūrsūltan Nazarbaevtyŋ qyzy Äliia Nazarbaevaǧa jäne «ROP operatoryna» bailanysty zauyt 1,5 milliard teŋgege satyldy, dep "Adyrna" ūlttyq portaly QazTAG agenttıgıne sılteme jasap habarlaidy.
Baǧalauda «Recycling Company» JŞS retınde körsetılgen nysan Qaraǧandy oblysynda ornalasqan. Nazarbaevtar ielık etken «ROP Operator» zauyty avtoqoqystardy öŋdeuı tiıs bolatyn. Degenmen, saraptama nysandy zauyt satylǧan somadan üş ese derlık joǧary baǧalaǧan.
«Sauda türı: Baǧany köteru boiynşa auksion (2021 jyldyŋ 17 qaŋtarynan bastap). Bastapqy baǧasy: 1 533 241 595 teŋge Kepıldık: 110 760 000 teŋge Sauda-sattyq jaǧdaiy: aiaqtaldy. Sauda-sattyqtyŋ bastaluy: 2024 jylǧy 2 mamyr 11.00. Satu baǧasy: 1 533 241 595 teŋge», - delıngen memlekettık mülık tızılımınıŋ elektrondyq sauda alaŋyndaǧy habarlamada.
Eks-prezident Nazarbaevtyŋ kenje qyzy Äliia Nazarbaevaǧa qatysty şaǧymdar jiılengen. 2024 jyldyŋ 12 nauryzynda QazTAG redaksiiasy Astana tūrǧyndary qoqys taularyna şaǧymdanyp jatqanyn habarlaǧan. Al qaladaǧy qoqysty şyǧaratyn «Clean City NC» JŞS Nazarbaevamen bailanysty ekenın BAQ betterınde jariialanǧan.
Odan bölek, 2023 jyldyŋ 26 qyrküiegınde Ekologiia jäne tabiǧi resurstar ministrı būrynǧy prezident Nūrsūltan Nazarbaevtyŋ qyzy Äliia Nazarbaevaǧa tiesılı kompaniia elordada qoqys şyǧarumen ainalyspaitynyn aitty.
«Būǧan deiıngı sūraqqa «Äliia Nazarbaevanyŋ kompaniiasy Astanadan qoqys şyǧarmaidy» dep jauap berdıŋız. Alaida memlekettık satyp alular turaly saitty aşsaŋyz, onda 2023 jyly kompaniianyŋ ondaǧan kelısımşartqa qol qoiǧanyn köruge bolady. Demek, Äliia Nazarbaevaǧa tiesılı kompaniia älı künge deiın elordadan qoqys şyǧarumen ainalysyp kele me?», - dep sūrady tılşıler 2023 jyldyŋ 26 qyrküiegınde.
Ekologiia ministrı būl derektı taǧy bır tekserıp şyǧuǧa uäde berdı.
«Mendegı mälımetke süiensek, qazırgı uaqytta Äliia Nazarbaevaǧa tiesılı kompaniia qoqys şyǧarumen ainalysyp jatqan joq. Qosymşa män-jaiyn bılgıŋız kelse, sızben jeke talqylauǧa daiynmyn. Sız aitqan derekterdı de taǧy bır tekserıp şyǧaiyn. Sodan keiın ministrlıktıŋ baspasöz qyzmetı arqyly jazbaşa jauap bereiık», - dedı Ekologiia ministrı.
2023 jyldyŋ 20 qyrküiegınde «Amanat» partiiasynan sailanǧan Mäjılıs deputaty Erlan Sairov prokuraturanyŋ nazaryn eks-prezidenttıŋ kenje qyzynyŋ «ROP operatory» ısındegı rölıne audardy. Qaŋtar oqiǧasynan keiın köp ūzamai, 2022 jyldyŋ 18 qaŋtarynda Nazarbaevanyŋ Qazaqstannan 312 million dollar şyǧaruynyŋ yqtimal shemasy da anyqtalǧan.
QazTAG mälımetınşe, 2022 jyldyŋ 19 qaŋtarynda «ROP operatory» qaldyqtardy jinau jauapkerşılıgınen aiyrylǧan. Būl kompaniia Nazarbaevamen bailanysty. Qylmystyq ıs şuly bolǧanymen, eks-prezidenttıŋ qyzy sot prosesıne tıptı kuä retınde de qatysqan joq.
Al 2024 jyldyŋ 8 nauryzynda El.kz basylymy («Qazcontent» AQ jobasy) Nazarbaevanyŋ suretın qazaqtyŋ körnektı äielderımen qatar qoiǧan. Artynşa redaksiia materialdy alyp tastaǧan.
2024 jyldyŋ 28 aqpanynda «TPK Asia» JŞS qūryltaişysy Nūrlan Bimurzin serıktesı Meǧdat Qaliev ekeuı Nazarbaeva men Rogovanyŋ reiderlık şabuylynyŋ qūrbany bolǧanyn habarlady.
«2003 jyly öz yqpalyn paidalana otyryp, qūny 170 million dollar bolatyn (2003 jylǧy baǧalaular boiynşa) jetı mūnai bazasy men 96 janarmai qūiu stansiiasynan tūratyn jūmys ıstep tūrǧan käsıporyndy basyp aldy. Reid üşın ol būrynǧy ielerın türmege qamap, dene jaraqatyn salamyn dep qorqytty. Onyŋ qoqan-loqqylary senımdı bolu üşın, ol kündız Almatynyŋ ortalyǧyndaǧy käsıp ielerınıŋ bırınıŋ äkesın aşyqtan-aşyq ūrlap ketken jäne kuägerlerdıŋ aituynşa, ūrlauǧa qūqyq qorǧau qyzmetkerlerınıŋ qatysy boluy mümkın», - delıngen käsıpkerler sözınde.
2024 jyldyŋ 14 nauryzynda Bas prokuratura reiderlık äreketı turaly aryzdy tırkegenın habarlady. Alaida 5 säuırde polisiia eks-prezidenttıŋ kışı qyzyna qatysty qylmystyq ıs qozǧaudan bas tartqany, al 23 säuırde Nazarbaevanyŋ Bimurzinge qarsy aryz jazǧany belgılı boldy.
Ūqsas jaŋalyqtar
