Bügın, 22 mamyrda Mäjılıs töraǧasy Erlan Qoşanov İran islam respublikasyna jūmys saparmen bardy. Tegeranda Erlan Qoşanov prezident İbrahim Raisidyŋ qaitys boluyna bailanysty köŋıl aitu jäne qūrmet körsetuge arnalǧan ıs-şaraǧa qatysty, dep habarlaidy “Adyrna” ūlttyq portaly.
Bügın İran halqy tıkūşaq apatynan qaza tapqan prezident İbrahim Raisimen qoştasty. Köŋıl aitu jäne qūrmet körsetuge arnalǧan ıs-şaraǧa Qazaqstan delegasiiasyn Mäjılıs töraǧasy Erlan Qoşanov bastap bardy.
Palata spikerı İran İslam Respublikasynyŋ bırınşı vise-prezidentı Mohsen Mansurimen jäne memlekettıŋ joǧary saiasi basşylyǧymen kezdesıp, Qazaqstan Prezidentınıŋ atynan bükıl İran halqyna, sondai-aq qaza tapqan adamdardyŋ otbasylaryna köŋıl aitty.
– Bızdıŋ prezidentımız būl suyt habardy tereŋ küizelıspen qabyl aldy. İrannyŋ joǧary liderı Äli Hamenei men İran halqyna qöŋıl aitu hattaryn joldady. Sonymen qatar, keşe İrannyŋ Astanadaǧy Elşılıgıne baryp, köŋıl aitu kıtabyna jazba qaldyrdy. İbrahim Raisi Qazaqstan men İran arasyndaǧy özara senımge negızdelgen dostyq bailanystardyŋ damuyna zor üles qosqan tūlǧa retınde bızdıŋ jadymyzda saqtalady, – dedı Erlan Qoşanov.
Mäjılıs spikerı Qazaqstan Prezidentı Qasym-Jomart Toqaevtyŋ dostas İranmen senımdı serıktestık pen tyǧyz ärıptestıktı nyǧaituǧa erekşe män beretının atap öttı.
– Osyndai qiyn kezeŋde Astanadaǧy elşılıgımızge baryp, bızdıŋ halqymyzǧa qoldau körsetkenı jäne İrannyŋ joǧary liderı Äli Hamenei men halqymyzǧa qöŋıl aitu hattaryn joldaǧany üşın Qazaqstan Prezidentı Qasym-Jomart Toqaevqa alǧysymyz şeksız. Mūny eşqaşan ūmytpaimyz. Aldaǧy uaqytta qarym-qatynasymyzdy da damyta beruge müddelımız, – dedı Mohsen Mansuri.
