Mäjılıs töraǧasy, «Ädılettı jäne Progressivtı Qazaqstannyŋ Halyqtyq Konstitusiiasy üşın!» jalpyūlttyq koalisiiasynyŋ jetekşısı Erlan Qoşanov «Egemen Qazaqstan» gazetıne bergen sūhbatynda keiıngı jyldary qazaqstandyqtardyŋ oi-sanasy ülken özgerısterdı bastan keşırgenıne nazar audardy.
Ol 2022 jyldan berı Prezidenttık sailau jönındegı respublikalyq ştab pen referendum ötkızu jönındegı koalisiia qūramynda el öŋırlerın bırneşe ret aralap şyqqanyna toqtaldy. Spikerdıŋ aituynşa, ol är sapar saiyn qoǧamymyzdyŋ saiasi tūrǧydan tolysyp kele jatqanyn baiqaǧan.
– Bızdıŋ köz aldymyzda jauapkerşılık pen janaşyrlyqtan bastau alatyn jaŋa saiasi mädeniet qalyptasyp jatyr. Būl – eŋ aldymen Memleket basşysynyŋ reformatorlyq bastamalarynyŋ, baǧytynyŋ nätijesı. El taǧdyryna qatysty barlyq şeşımdı halyqtyŋ özı qabyldaityny turaly Prezident jiı aitady. Mıne, bügın sol qaǧidanyŋ naqty ıske asqanyna kuä bolyp otyrmyz. Qazır azamattar eş närsege bei-jai qaramaidy. Qyzu talqylaidy, ūsynys-pıkırlerın aitady, aşyq taŋdauyn jasai alady. Är adamnyŋ dauysy bolaşaqty aiqyndaitynyn tereŋ tüsınedı, – dedı Mäjılıs töraǧasy.
Erlan Qoşanovtyŋ pıkırınşe, būl qūbylys «halyqpen bırge» prinsipınıŋ jemıstı jüzege asyp jatqanyn körsetedı. Iаǧni azamattardyŋ bastamasy, belsendılıgı, oi-sanasy tübegeilı özgerdı. Qazır olardy jeke bas mäselesı emes, eldıŋ erteŋı, ūlttyŋ bolaşaǧy tolǧandyrady.
Sondai-aq Mäjılıs töraǧasy Koalisiia müşelerınıŋ el aumaǧynda tūrǧyndarmen, ziialy qauym ökılderımen, ǧalymdarmen, eŋbek ūjymdarymen ondaǧan myŋ kezdesu ötkızgenıne toqtaldy. Tūtastai alǧanda būl – milliondaǧan adammen aradaǧy tıkelei ärı aşyq dialog. Mäjılıs töraǧasy osy kezdesulerdegı airyqşa atmosfera – şynaiy ärı emen-jarqyn jüzdesuler erekşe esınde qalǧanyn aitty.
– Adamdar Konstitusiiany qalai tüsınetının, öz ümıt-tılegın, josparyn, keide tolǧandyrǧan mäselelerın ortaǧa saldy. Tıptı ömırlık täjıribelerın söz etıp, ony Konstitusiia jobasyn qūptaudyŋ sebebı retınde baiandady. Jaŋa Ata zaŋdy qoldauǧa jyr arnaǧandar da boldy, – dedı Erlan Qoşanov.
Mäjılıs spikerı aityp ötkendei, öŋırlerge saparlar kezınde ügıt-nasihatpen qatarlasa būqaralyq aqparat qūraldary men äleumettık jelılerde de jüielı jūmys ūiymdastyryldy. Erlan Qoşanov jetekşı partiialar men ükımettık emes ūiymdardyŋ jūmylyp atqarǧan auqymdy ärı ortaq jūmys arqyly Koalisiia elımızdıŋ är aimaǧyndaǧy azamattarǧa Prezident reformalarynyŋ män-maŋyzyn ūǧyndyrǧanyna senım bıldırdı. Sonyŋ nätijesınde ärbır azamat osy özgerısterden öz janyna jaqyn ärı maŋyzdy dünieler tapty. Otbasynyŋ, öz bolaşaǧynyŋ jäne tūtas memlekettıŋ müddesıne sai keletın qūndylyqtardy baiqady.
