Tasqyn sudyŋ betı qaitqan soŋ onyŋ zardabymen küresu, şyǧynnyŋ qalpyn keltıru jūmystary jürude.
Podstepnyi auyldyq okrugınde suǧa ketken tūrǧyndaryna kezeŋ-kezeŋımen kömek beru jüzege asuda.
Qazır halyqqa keregı - baspana. Ärbır jerde tentıregen tūrǧyndardyŋ talaby da sol “tezırek baspana salyp berse eken” bolyp otyr.
Memleket basşysy Qasym-Jomart Kemelūly : “ Tasqyn sudan zardap şekken azamattarǧa aitarym, memleket bırde-bır adamdy eskerusız qaldyrmaidy. Barşaŋyzǧa qarjylyq jäne basqa da kömek berıledı. Materialdyq şyǧyndar tolyq öteledı” dep bırqatar tapsyrmalar bergen bolatyn. Qazırgı taŋda komissiia şeşımımen apatty dep tanylǧan üiler qūlatylyp, ornyna jaŋa üi salu jūmystary bastaldy. Sondai-aq ışkı ärleu jūmysyn qajet etetın üiler bar. Onyŋ bärın qalpyna keltıru uaqytty talap etedı.
Sol tapsyrmalarǧa säikes Podstepnyi auyldyq okrugınde tūruǧa jaramsyz dep tanylǧan 98 üi būzylatyn boldy. Ornyna 80 metr kvadratty qūraityn jaŋa üi salynady. Qazırgı uaqytta atalmyş auylda qūrylys qarqyn ala bastady.
Tūrǧyn üi salu jūmystaryn "Otdelstroi”, “SVS Batys”, “Atameken İnvest”, “CHRYSTAL GENERATION LTD”, “GradİndQūrylys”, “BETA Servicom”, “Batys Kurylys Servicom” syndy bırneşe qūrylys kompaniialary jürgızedı.
Audan äkımı Äliia Mūhanbetjanova merdıgerlermen kezdesıp, tūrǧyn-üi barysyn qarady.
Qūrylys basynda bolyp Podstepnyi auyly tūrǧandyrymen tıldesken bolatynbyz. Ol jandardyŋ ışınde raqmet aityp jatqandary da, köŋılı tolmai, jasalyp jatqan jūmystardy joqqa şyǧaryp jatqandary da bar. Ärine, bärıne bırdei ūnau mümkın emes.
Solardyŋ bırı Podstepnyi auylyna qonys tepkenıne jiyrma jylǧa juyq uaqyt bolǧan Neǧmetolla Djalmūratovtyŋ üiı de apatty dep tanylǧan.
-Nauryz aiynyŋ soŋynda tūrǧyn üiımız suǧa kettı. Komissiia şeşımımen üidı būzyp, ornyna jaŋa üi salyp beretınıŋ aitty. Qazır jerdı tegıstep jatyr. Bır-ekı künde üi ırgesı qūiylady. Alla qalasa , küzde jaŋa baspanamyzǧa kıremız degen oiymyz bar.
Qazırgı uaqytta qūrylys qarqyny jaqsy. Merdıgerler küzge deiın üidı tolyq aiaqtap, kıltın tabystaimyz dep otyr. Onysy dūrys. Tentırep jürgen halyq öz baspanasyna tezırek ornalassa eken deimız.
Jauhar NŪRYM
