Menıŋ tuyp ösken jerım –bailyǧy öte köp jäne qazynaǧa bai el Qazaqstan. Qazaqstannyŋ tabiǧaty öte sūlu. Biık-biık asqar tau, möp-möldır kölder, neşe türlı ösımdıkter men därılık qasietı bar şöpter ösedı. Qazaqstan jerınde aŋdar men qūstar, türlı januarlar mekendeidı. Osy topyraqta bızdıŋ ata-babalarymyz, batyrlarymyz, aqyndarymyz, ǧalymdarymyz tuyp östı, Qazaq dalasy üşın eren eŋbek ettı.
Jerı şūraily, şöbı şüigın osynau sūlu ölkenı men ärqaşanda maqtan tūtamyn. Elımnıŋ dalasyndai baitaq dala eş jerde joq şyǧar.
Halqymyzda atamekendı ardaqtaudyŋ tamyry sonau tereŋnen bastalady. Jaugerşılık zamandarda halqymyzdyŋ basynan qandai qiyn kezeŋder ötkenı tarihtan mälım. Batyr ata-babalarymyz elımızdı syrtqy jaudan qorǧap qana qoimai, erteŋgı ūrpaǧy üşın asty men üstı bailyqqa toly Qazaq dalasyn miras ettı. Öz elı üşın janyn da, baryn da aiamaǧan babalarymyz bız üşın osynau şeksız bailyqty qaldyrdy. Tuǧan jerın süiu qasietı janymyzǧa anamyzdyŋ sütımen daryp, atamyzdyŋ qanymen boiymyzǧa sıŋdı. Otan bız üşın ottan da ystyq.
Tuǧan jerımızdıŋ ärbır tasyn közımızdıŋ qaraşyǧyndai saqtap, qasterleu qazırgı ūrpaq bız üşın ülken paryz sanalady. Keşegı babalarymyz bızge mirasqa qaldyrǧan būl baitaq dalany bız endı keler ūrpaqqa amanattauǧa tiıspız. Mıne, sol üşın de tuǧan jerge degen asqaq mahabbatymyzdyŋ dälelı retınde ömırımızdıŋ ärbır künın Qazaq elınıŋ körkeiuı üşın arnauymyz kerek. Otan otbasydan bastalady degendei, tuǧan jerge degen mahabbattyŋ däne eŋ aldymen öz üiımızden bastalady. Mäselen, taiauda bızdıŋ auylymyz Aqşoqyda elımız üşın degen maqsatpen köptegen jūmys, ıs-şarany jüzege asyru qolǧa alyndy. Aptanyŋ är düisenbı jäne beisenbı künderın tazalyq dep jariialap, auylymyzdy tūtas qoqystan tazartamyz. Al är aidyŋ ekı künın qorşaǧan tabiǧatqa arnaimyz. Ol künderı auyldaǧy aǧaştarǧa kütım jasap, jol jiegındegı gül-jelekterınıŋ jaiqaluyna bar küşımızdı salamyz. Osy künderı auyl syrtyndaǧy şöptı şauyp, aryqtardy da tazalaimyz. Būl jūmystardyŋ belgılı bır tärtıppen jüielengenı sondai, qazırgı kezde mektep jasyndaǧy kışkentai balalar da ülkendermen ılesıp, auyl üşın aksiiasyna aralasuda.
Auyl syrtyna kögaldandyru maqsatynda özımız qadaǧan ärbır şybyq bügınde jaiqalǧan mäuelı aǧaş bolyp, japyraǧyn jaiǧan. Osyndai tärtıp qalyptasqan auylymyzda soŋǧy on jyldyŋ kölemınde «Tuǧan jerge qyzmet» degen taqyryppyn de ülken jūmys atqarylady. Osy auylda tuyp, osy auyldan tülep ūşqan azamattar mekteptegı on, jiyrma jyldyq siiaqty kezdesulerde bas qosqanda tuǧan jerı üşın maŋyzdy şaruany atqarudy qolǧa alady. Biylǧy jiyrma jyldyq kezdesuge jinalǧan auylymyzdyŋ qyz-jıgıtterı köşenıŋ tüngı şamdaryn tügel jaŋartyp, auyldaǧy köşelerdıŋ barlyǧyn jaryqpen jabdyqtady. Al byltyr auylymyzdan bılım aluǧa, jūmys ısteuge syrtqa ketken aǧa-äpkelerımız auylymyzdy kesıp aǧatyn bırneşe aryqqa köpır salyp berdı. «Tuǧan jerıme qyzmet etuge ärdaiym daiynmyn. Būl qyzmet menıŋ adamdyq paryzym!» dep jazylǧan taqtaişalardy bızdıŋ auyldan köptep kezdestıruge bolady. Ärbır taqtaişadaǧy taŋba osy topyraqtan şyqqan azamattyŋ qoltaŋbasy. Aldyŋǧy buyn aǧa-äpkelerımız bızge osylai ülgı boluda. Al olardyŋ ısın jalǧastyru qazırgı buyn bızge de paryz sanalmaq. Öz tuǧan jerımızge degen şynaiy, tereŋ süiıspenşılıgımızdı bız osylai däleldegımız keledı.
Güldana Şymyrbaiqyzy. Būl maqala Azamattyq bastamalardy qoldau ortalyǧynyŋ
«Tuǧan jer» granttyq jobasy aiasynda jazyldy.
"Adyrna" ūlttyq portaly
