Qazaqstan azamattyǧyn alu üşın qandastar etnikalyq test tapsyrady

2330
Adyrna.kz Telegram
https://adyrna.kz/content/uploads/2023/12/oralman1-960x500.jpg?token=fbc8e99373bda99567486ec7da76592b
Eŋbek jäne halyqty äleumettık qorǧau ministrlıgı tiıstı qūjattar bolmaǧan jaǧdaida oŋailatylǧan tärtıppen qandas jäne Qazaqstan azamattyǧy märtebesın alu üşın qazaq ūltyna jatatyndyǧyn aiqyndau qaǧidalaryn äzırledı, dep habarlaidy “Adyrna” ūlttyq portaly. Jaŋa erejege säikes, azamattardyŋ ūlty qazaq ekenın anyqtau turaly ötınış "Migration.enbek.kz" portaly, "Qūtty meken" mobildı qosymşasy, halyqty äleumettık qorǧau jäne jūmyspen qamtu mäselelerı jönındegı jergılıktı atqaruşy organy nemese QR şetelderdegı mekemesı arqyly berıledı. Kandidattyq märtebesın jäne Qazaqstan Respublikasynyŋ azamattyǧyn alu üşın ötınış bıldırgen adamdardyŋ ūlty qazaq ekenın anyqtau üşın jergılıktı atqaruşy organmen komissiia qūrylady. Komissiia qūramyna halyqtyŋ köşı-qony, bılım beru, mädeniet, ışkı saiasat, ūlttyq qauıpsızdık jäne ışkı ıster organdary, etnikalyq qazaqtar mäselelerımen ainalysatyn ükımettık emes ūiymdar jäne qoǧamdyq bırlestıkter salasyna jetekşılık etetın mamandar, sondai-aq qazaq tılı men Qazaqstan tarihy salasyndaǧy mamandar kıredı. Komissiia qazaq tılın, salt-dästürın, ädet-ǧūrpyn, mädenietın, tuystyq qarym-qatynasyn jäne adamnyŋ özın etnikalyq qazaq retınde tanuǧa mümkındık beretın basqa da faktorlardy bıluıne baǧyttalǧan sūhbatty jeke nemese onlain rejimınde jürgızedı. Sodan keiın alynǧan aqparatty taldap, şeşım qabyldaidy. Ūlty qazaq ekenın anyqtau üşın ötınış beruşı jergılıktı organǧa tuu turaly kuälıktı, ata-anasynyŋ tuu turaly kuälıgın, ata-babasynyŋ Qazaqstan aumaǧynda tūratyny turaly mūraǧattyq anyqtamalardy, bar bolǧan jaǧdaida neke qiiu turaly kuälıktı ūsynady. Odan keiın Komissiia 3 jūmys künı ışınde aşyq dauys beru arqyly ötınış beruşılerdıŋ ūltynyŋ qazaqtyǧyn anyqtau nemese anyqtaudan bas tartu turaly ūsynym qabyldaidy jäne oǧan qatysqandardyŋ kemınde üşten ekısınıŋ oŋ dausymen qabyldandy dep esepteledı.
Pıkırler