Öskemen men Semei qalalaryndaǧy şamdardy auystyru jūmystary 94%-ǧa oryndalsa da, bes jyldai uaqyt ötken, joba aiaqtalmaǧan. Jaŋa lampalar ısten şyǧyp, tıptı ortalyq köşelerdegı fonarlar da sönıp, ailar boiy janbai tūrady. Būl turaly Parlament Mäjılısınıŋ deputaty, «AMANAT» fraksiiasynyŋ müşesı Samat Nūrtaza “Adyrna” ūlttyq portalyna bergen sūhbatynda aityp berdı. Deputat būl ıstı özı qolǧa almaq.
– Sızge deputat retınde qandai mäseleler kelıp tüsedı? Solar turaly aityp berıŋızşı.
– Menıŋ atyma Öskemen men Semei qalalarynyŋ tūrǧyndarynan tüngı uaqytta qala köşelerındegı jaryqtyŋ naşar ekendıgı turaly şaǧymdar kelıp tüstı.
– Mūnyŋ sebebı nede? Tolyǧyraq aityp bere alasyz ba?
– İä, ärine. 2017 jyly Qazaqstannyŋ «Jasyl ekonomikaǧa» köşuı aiasynda «Şyǧys Qazaqstan oblysy memlekettık-jekemenşık ärıptestıgı öŋırlık ortalyǧy» aksionerlık qoǧamy men Europa Qaita Qūru jäne Damu Bankı arasynda «Öskemen qalasynda jäne Semei qalasynda köşenı jaryqtandyru jüiesın jaŋǧyrtu» jobasy boiynşa qūny 4,8 mlrd teŋge bolatyn kredittık şart jasaldy. Onyŋ ışınde Europa Qaita Qūru jäne Damu Bankınıŋ kreditı - 3,6 mlrd teŋge, al jergılıktı biudjetten qarjylandyru - 1,2 mlrd teŋge boldy. 2019 jyly tender qorytyndysy boiynşa Europa Qaita Qūru jäne Damu Bankınıŋ satyp alu erejelerıne säikes merdıger anyqtalyp, onymen «Jobalau» – «Jetkızu» –
– Qarajat tolyq kölemde bölındı me?
– Ärine! Qarajat tolyq bölınıp, tolyǧymen igerıldı. Sol kezde tūrǧyndarǧa joba ıske asqannan keiın būl qalalar jergılıktı «Las-Vegasqa» nemese «Makaoǧa» ainalady, al öŋırdıŋ osy ekı qala boiynşa jaryqtandyruǧa ketetın şyǧyndary 60 %-ǧa qysqarady dep uäde bergen.
Şamdardy auystyru jūmystary 94%-ǧa oryndalsa da, özın köteretın, oqşaulanǧan 335 km käbıl tartylyp, syrtqy jaryqty basqaratyn 394 şkaf ornatylsa da, bes jyldai uaqyt öttı, joba aiaqtalǧan joq. Jaŋa lampalar ısten şyǧyp jatyr, tıptı ortalyq köşelerdegı fonarlar da sönıp, ailar boiy janbai tūrady.
– Al oblys äkımdıgı ne deidı?
– Bızge oblys äkımdıgınde tüsındırgendei, jobany ıske asyru kezeŋınde merdıger ūiym tarapynan şamdardyŋ, qūrylys-montajdau jūmystarynyŋ, qyzmet körsetudıŋ sapasyna qatysty problemaly mäseleler tuyndaǧan. Äkımdık bızge, - qazırgı uaqytta qalalarda jaryqty qalpyna keltıru jūmystary oblys äkımınıŋ baqylauynda, - dep sendırdı.
– Deputat retınde qandai josparyŋyz bar?
– Osyǧan bailanysty bız būl jaǧdaidy mūqiiat baqylaityn bolamyz. Jauaptylar biudjetten bölıngen ärbır teŋge üşın jauap beruge tiıs. Deputat retınde men būǧan barynşa küş salamyn.
– Sūhbattasqanyŋyz üşın rahmet!
“Adyrna” ūlttyq portaly
