QR Bas prokuraturasy elımızde internet-alaiaqtyqtyŋ jaŋa türı paida bolǧanyn, uaqyt ötken saiyn aldanyp qalǧan adamdardyŋ sany artyp kele jatqanyn mälımdedı, dep habarlaidy “Adyrna” ūlttyq portaly.
«Alaiaqtar jäbırlenuşılerge qūqyq qorǧau organdarynyŋ qyzmetkerı retınde beine-qoŋyrau arqyly habarlasyp, belgısız tūlǧalar jäbırlenuşınıŋ atynan nesie aluǧa ärekettenıp jatqany turaly jalǧan aqparat beredı. Osy „nesienı“ joiu üşın dereu jaŋa nesie aluǧa bank bölımşesıne barudy ūsynady. Bankten alǧan nesie aqşasyn jaŋa „qauıpsız“ şotqa audarudy ötınedı. Būl — alaiaqtardyŋ şoty», — deidı Bas prokuratura taratqan resmi habarlamada.
Bas prokuratura qūqyq qorǧau organdary qyzmetkerlerı video-qoŋyraumen eşqaşan habarlaspaitynyn, mūndai formatta jūmys ıstemeitının eskertedı.
Böten adamǧa, tıptı qūqyq qorǧau organdarynyŋ qyzmetkerlerıne de bank mälımetterın bermeu kerek ekenın, kümändı jaǧdailar tuyndaǧanda 115 nömırıne qoŋyrau şalu keregın qosa aitty.
Ūqsas jaŋalyqtar
